CIDCO Hadkot bandh : सकल हिंदू समाजाचा बंदला सिडको हडकोत ऊत्सफुर्त प्रतिसाद -NNL
नवीन नांदेड| बांगलादेश येथे होत असलेल्या हिंदूवरील अत्याचाराच्या विरोधात १७ ऑगस्ट २४ शनिवार रोजी संपूर्ण नांदेड शहर व सिडको हडको नवीन नांदेड सकल हिंदू समाजाच्या वतीने पुकारण्यात आलेल्या बंदला शंभर टक्के प्रतिसाद मिळाला असुन यामध्ये विविध व्यापारी प्रतिष्ठाणे, हॉटेल, पानटपरी, हातगडे , भाजी विक्रेते यांनी सहभाग नोदंवत बंदला १०० टक्के पांठीबा दर्शविला यावेळी माता रमाबाई आंबेडकर चौक येथे बंगाला देशात हिंदुवर होत असलेल्या अत्याचाराच्या निषेध व्यक्त करण्यात आला.
गेल्या काही दिवसांपूर्वी बंगाली देशात हिंदू वर होत असलेल्या अत्याचार निषेधार्थ सिडको हडको नवीन नांदेड भागात सकल हिंदू समाज बांधवांचा वतीने १७ आगस्ट रोजी बंदचे आवाहन करण्यात आले होते,यावेळी प्रारंभी हडको मध्ये छत्रपती शिवाजी महाराज,सिडको अण्णा भाऊ साठे,छत्रप्रती शिवाजी महाराज,महाराणा प्रतापसिंह पुतळा व माता रमाई आंबेडकर चौक येथे पुष्पहार अर्पण करून अभिवादन करण्यात आले, यावेळी संजय पाटील घोगरे,वैजनाथ देशमुख,ऊदय देशमुख, माजी नगरसेवक संजय इंगेवाड, ॲड.संदीप चिखलीकर, सिध्दार्थ गायकवाड, सतिश बसवदे,दिपक देशपांडे, राजु लांडगे, प्रा.मधुकर गायकवाड, ज्ञानेश्वर ढाकणीकर,राजन जोजारे, डॉ.स्वामी ,ऊतरवार,शाहीर गौतम पवार, यांच्या सह व्यापारी प्रतिष्ठान विविध पक्षाचे पदाधिकारी, सामाजीक राजकीय कार्यकर्ते मोठ्या संख्येने सहभागी झाले होते.व्यापारी प्रतिष्ठानचे एकनाथ मामडे व पदाधिकारी यांनी पाठिंबा दर्शविला होता.
हडको येथुन निघालेली निषेध रॅली दुचाकीवरून इंदिरा गांधी हायस्कूल,ज्ञानेश्वर नगर, सिडको,क्रांती चौक,संभाजी चौक,लातूर फाटा मार्ग परत वापस आली, यावेळी काही तुरळक प्रमाणात चालू असलेले विविध प्रतिष्ठाने तात्काळ बंद केली. रमाई आंबेडकर चौक यांचे घटनेचा निषेध व्यक्त करत वैजनाथ देशमुख,प्रा.मधुकर गायकवाड,राजु लांडगे यांनी मनोगत मांडले,आजच्या बंद कडकडीत पाळण्यात आला. यासाठी सर्व व्यापारी, सर्वच राजकीय पक्षाचे पदाधिकारी यांनी सहकार्य केले. बंदचा काळात ग्रामीण पोलीस निरीक्षक नागनाथ आयलाने यांनी सिडको हडको सह अनेक भागात अधिकारी, उप निरीक्षक व पोलीस अंमलदार, होमगार्ड यांच्या कडेकोट बंदोबस्त ठेवला होता.
