महाराष्ट्र

हदगाव | हदगाव तालुक्याचा प्रस्तावित किनवट जिल्ह्यात समावेश करण्याच्या निर्णयास हदगाव तालुका काँग्रेस कमिटीने तीव्र विरोध दर्शविला असून, यासंदर्भात आज तहसील कार्यालयात निवेदन सादर करण्यात आले. माजी आमदार तथा लोकनेते माधवराव पाटील जळगावकर यांच्या मार्गदर्शनाखाली हे निवेदन प्रशासनाकडे देण्यात आले. निवेदनात हदगाव तालुक्याचे सामाजिक, शैक्षणिक, व्यापारी, प्रशासकीय तसेच आरोग्यविषयक संबंध अनेक वर्षांपासून नांदेड जिल्ह्याशी घट्ट जोडलेले असल्याचे नमूद करण्यात आले आहे. त्यामुळे नागरिकांच्या सोयी-सुविधा, जनभावना आणि स्थानिक परिस्थितीचा विचार करता तालुक्याचा किनवट जिल्ह्यात समावेश करणे योग्य ठरणार नसल्याची भूमिका काँग्रेसने मांडली आहे. हदगाव तालुका नांदेड जिल्ह्यातच कायम ठेवावा, अशी मागणी निवेदनाद्वारे शासन व प्रशासनाकडे करण्यात आली. तालुक्याच्या विकासाच्या दृष्टीने तसेच नागरिकांच्या हिताचा विचार क...

आधुनिक बससेवेला स्वच्छ, सुसज्ज आणि प्रवाशाभिमुख बसस्थानकाची जोड आवश्यक नांदेड,गोविंद मुंडकर| महाराष्ट्र राज्य मार्ग परिवहन महामंडळाने गेल्या काही वर्षांत प्रवाशांना अधिक चांगली सेवा देण्यासाठी वातानुकूलित बस, डिजिटल सुविधा आणि आधुनिक वाहतूक व्यवस्थेच्या दिशेने महत्त्वाची पावले उचलली आहेत. या प्रयत्नांमुळे ग्रामीण आणि शहरी भागातील लाखो प्रवाशांना सुरक्षित व परवडणारा प्रवास उपलब्ध झाला आहे. मात्र या सकारात्मक बदलांना नांदेड बसस्थानकाच्या सुविधा आणि परिसराच्या विकासाची जोड मिळाल्यास प्रवाशांचा अनुभव अधिक समाधानकारक ठरू शकतो. जिल्ह्यातील सर्वसामान्य नागरिक, शेतकरी, विद्यार्थी, महिला आणि ज्येष्ठ नागरिक यांच्यासाठी नांदेड बसस्थानक हे महत्त्वाचे वाहतूक केंद्र आहे. त्यामुळे येथे स्वच्छता, अचूक माहिती व्यवस्था आणि मूलभूत सुविधांचा दर्जा अधिक उंचावण्याची गरज प्रवाशांकडून व्यक्त होत आहे. ...