नांदेड| हिमायतनगर तालुक्यातील पैनगंगा नदीकाठावर असलेल्या वारंगटाकळी येथील एका व्यक्तीच्या डोक्यात व पोटात लोखंडी कत्तीने मारुन जीवे मारण्याचा प्रयत्न केल्या प्रकरणी जिल्हा व अतिरिक्त सत्र न्यायालय भोकरचे न्यायाधीश वाय.एम. एच. खरादी यांनी एकास जन्मठेप व ५० हजार रुपये दंडाची शिक्षा सुनावली आहे. तर सबळ पुराव्या अभावी दोघांची निर्दोष मुक्तता करण्यात आली आहे. हा निकाल दि.५ मार्च २०२५ रोजी दिला आहे.
याबाबत सविस्तर वृत्त असे कि, नांदेड जिल्ह्यातील हिमायतनगर तालुक्यातील पैनगंगा नदीकाठावर असलेल्या वारंगटाकळी येथील बालाजी मारोतराव जाधव हे सप्टेंबर २०२१ रोजी दुपारी १:३० वाजताच्या दरम्यान गावातील वसराम चव्हाण यांच्या घरासमोर व्यक्तीसोबत बोलत बसले होते. यावेळी गावातीलच सुरज चितलवाड़ व रामचंद्र चितलवाड हे दोघे तेथे आले आणि एका भांडणाचे कारण समोर वाद घातला. तसेच या दोघांनी वडील तानाजी रामा चितलवाड भांडण झाल्याची माहिती दिली. यामुळे तानाजी चितलवाड त्याच्या घरी गेला व घरातील कत्ती घेऊन तेथे आला. तसेच त्या लोखंडी कत्तीने बालाजी मारोतराव जाधव यांच्या डोक्यात व पोटात मारुन गंभीर जखमी करून जीवे मारण्याचा प्रयत्न केला.
सदरील घटनेविषयी जखमी बालाजी विनोद जाधव यांच्या पत्नी सौ. लता बालाजी जाधव यांनी हिमायतनगर पोलीसात रितसर फिर्याद दिली. यावरुन तानाजी गु.र.नं.२०१/ २०२१ कलम तानाजी ३०७, १०९,३४ भादवि प्रमाणे तानाजी चितलवाड, सुरज तानाजी चितलवाड व रामचंद्र चितलवाड सर्व रा. वारंगटाकळी यांच्यावर जीवे मारण्याचा प्रयत्न केल्याचा गुन्हा हिमायतनगर पोलीसात दाखल करण्यात आला. सदरील गुन्ह्याच्या भांडण सखोल तपासाअंती तत्कालीन पो.नि. भगवान त्याने कांबळे यांनी जिल्हा व अतिरिक्त सत्र न्यायालय भोकर मध्ये दोषारोपपत्र दाखल केले.
दरम्यानच्या काळात न्यायालयात साक्षीदारांनी मत व्यक्त केले. यावरून सरकारी वकील ए एस डावखरे व आरोपींचे वकील यांच्यात झालेल्या युक्तीवादाअंती साक्षीदार आणि मांडलेला लेखी युक्तीवाद एका आरोपीच्या विरुद्ध गेला. यात तानाजी रामा चितलवाड हा दोषी ठरला असून, जिल्हा व अतिरिक्त सत्र न्यायालय भोकरचे जिल्हा न्यायाधीश वाय.एम.एच. खरादी यांनी त्यास जन्मठेप व ५० हजार रुपये दंडाची शिक्षा सुनावली. तर सबळ पुराव्याअभावी उपरोक्त दोघे दोषी ठरले नसल्याने क्रमांक २) रामचंद्र तानाजी चीतलवाड व आरोपी क्रमांक 3) सुरज तानाजी चीतलवाड दोघांची निर्दोष मुक्तता करण्यात आली. सदरील खटल्याच्या न्यायालयीन कामकाजा दरम्यान पैरवी अधिकारी जमादार रमेश यांनी कामकाज पाहिले.
