Kundalwadi ; कत्तलीसाठी जनावरे तेलंगणात नेणारा ट्रक कुंडलवाडी पोलिसांनी पकडला
नांदेड/बिलोली/ चोरी आणि कत्तलीच्या उद्देशाने मालवाहू ट्रकमध्ये जनावरे भरून तेलंगणामध्ये घेऊन जाताना कुंडलवाडी पोलिसांनी पकडला आहे. या कारवाईत पोलिसांनी २ आरोपींना अटक करून ट्रक, २६ जनावरे, गुंगीची इंजेक्शन असा एकूण ३१ लाख ८० हजाराचा मुद्देमाल जप्त केला आला.
पोलिस दलाकडून सध्या ऑपरेशन फलश आऊट अंतर्गत अवैध धंदयाविरोधात धडक कारवाई केली जात आहे. कुंडलवाडी पोलिसांना दि. ७ जुलै रोजी एम.पी. ०७ एचडी ७६८० या १४ टायरी मालवाहू ट्रकमध्ये गुंगीचे औषध देवुन काही चोरीची जनावरे कत्तल करण्याच्या उद्देशाने तेलंगणात नेली जात असल्याची माहिती माहिती मिळाली. सायंकाळी ६ च्या सुमारास हा ट्रक विलोलीकडून धमार्वादच्या दिशेने वेगाने येत आहे. तेव्हा प्रभारी सपोनि ज्ञानेश्वर शिंदे यांनी पथकासह दोन पंचांनासोबत घेवुन कुंडलवाडी हद्दीतील शेळगांव थडी या गावाजवळ सापळा रचला.
काही वेळातच वेगात येणाऱ्या सदर ट्रक थांबविण्यात आले. ट्रकची तपासणी केली असता त्यात कुर पद्धतीने बांधलेली जनावरे आढळून आली. लगेच चालक रशीद मोहम्मद करीमोददीन वय ३८ वर्ष व्यवसाय ट्रकचालक रा. ईस्लामपुरा, तहसील मालपुरा जिल्हा टाँक (राजस्थान) व खय्युमखाँ जुम्माखाँ वय ३६ वर्ष रा. चाँद की ढाणी, इस्लामपुरा तहसील मालपुरा जिल्हा टाँक (राजस्थान) या दोघांना ताब्यात घेऊन चौकशी केली.
यावर दोघांनी ही जनावरे ग्वाल्हेर (मध्यप्रदेश) येथुन चोरुन ट्रकमध्ये भरली असून निजामाबाद व साठापुर (तेलंगणा राज्य) या ठिकाणी कत्तलीसाठी नेली जात असल्याचे सांगीतले. तर साथीदारांविषयी तसेच मालकांविषयी माहीती विचारली असता ते उडवाउडवीचे उत्तरे देणाऱ्या दोघांनीही अटक करण्यात आली. या कारवाईत मालवाहू ट्रक, २६ जनावरे, या जनावरांना देण्यात येणारे ९ इंजेक्शन्स असा एकुण ३१ लाख ८० हजार रुपयाचा मुद्देमाल पंचनामा करुन जप्त करण्यात आला.
३२ लाखांचा मुद्देमाल जप्त, दोघांना अटक
कुंडलवाडीचे सपोनि ज्ञानेश्वर शिंदे यांच्या मार्गदर्शनाखाली उपनिरीक्षक गजेंद्र मांजरमकर, पोहेकों गफुर शेख, नागेंद्र कांबळे, शेषेराव खनपटटे, रघुवीर चौहान घुविर चौहान, अमर शिंदे, शिवराज गंगुलवार, आनंद बोडके, मिर्झा फैयाज वेग, होमगार्ड लिंगुराम गुरुपवार, शेख गौस, अण्णाराव जाधव, सुरेश आशमोड, सुनिल चिघळे आदीं कर्मचाऱ्यांनी ही कारवाई केली.
