Tipper caught transporting sand illegally : अवैध रित्या रेती वाहतूक करणाऱ्या टिपर पकडले; महसूल विभागाची कारवाई
उस्माननगर| सायाळ ते मरळक रस्त्यावर अवैध रित्या रेतीने भरून वाहतुक करणाऱ्या टिपर पकडून कारवाई करण्यात आली आहे.
सविस्तर महीती अशी की, नांदेड जिल्ह्यात अवैध धंद्यावर अंकुश ठेवण्यासाठी जिल्हाधिकारी कर्डिले व तहसीलदार संजय वारकड यांच्या आदेशानुसार जिल्ह्यात अवैध वाळु माफिया कडून अवैध मार्गाने वाहतूक संदर्भाने कठोर कारवाई करण्याचे आदेश दिले होते.त्यानिमित्ताने महसूल प्रशासन जोमाने कामाला लागले आहे , वरिष्ठांच्या मार्गदर्शनाखाली त्याचाच एक भाग म्हणून नुकतेच सायाळ ते मरळक रस्त्यावर MH 20 , AT 9844 क्रमांकाचा टिपर सायाळ ते मरळक रस्त्यावर रेती अवैध वाहतूक करताना आढळून आला.
त्याच्यावर कायदेशीर कारवाई करण्यात आली.यावैळी अवैध गौण खनिज पथक प्रमुख शिवानंद स्वामी ( मंडळधिकारी ) , तरोडा तलाठी माधव एकनाथ शिगळे, शाखा मरळक यांनी पकडून तहसील कार्यालय नांदेड येथील प्रांगणात लावले असून सदर कारवाईत तलाठी कल्यणकर, पाटील, करंदीकर, पो.पा. स्वामी, पो.पा.कदम यांनी सहकार्य केले.
