Sant Tukadoji Maharaj ; संत तुकडोजी महाराज त्यांचा बिलोलीतील मुक्काम प्रेरणादायी-एडवोकेट गोपाळराव बिलोलीकर
नांदेड l संत तुकडोजी महाराज यांचा बिलोलीतील मुक्काम प्रेरणादायी असाच होता. अशी आठवण विधीज्ञ गोपाळराव बिलोलीकर यांनी व्यक्त केले. स्वातंत्र्य दिनाचें औचित्य साधून हुतात्मा स्मारक येथे आयोजित “संवाद ज्येष्ठांसोबत…!” घेण्यात आला. ज्येष्ठांच्या आठवणी यावेळी प्रसारित करण्यात आल्या. ज्येष्ठांच्या आठवणी लिपीबद्ध करण्याचें यावेळी ठरले. आठवणी सांगताना एडवोकेट गोपाळराव बिलोलीकर पुढे म्हणाले की, पोलीस ॲक्शनचा काळ मला चांगला आठवतो. उर्दू शाळेवर हिंदुस्तानचा ध्वज फडकवण्यासाठी झालेला आक्रमकपणा त्यावेळी मी व माझ्यापेक्षा ज्येष्ठ असलेले स्वर्गीय बसवंतराव मुंडकर यांनी अनुभवला होता.
संत तुकडोजी महाराज यांच्या विषयी सांगताना ते पुढे असेही म्हणाले की, त्यांचा सहवास अत्यंत प्रेरणादायी असा होता. उंच धिपाड असे शरीर. महाळप्पा पटणे यांच्या घरापाठी मागील मैदानात संत तुकडोजी महाराज यांचे शिष्य *काठी कला* शिकवत असत. संत तुकडोजी महाराज यांचा सहवास स्वर्गीय बसवंतराव मुंडकर यांना तर लाभलाच, त्याचबरोबर मला आणि एडवोकेट चंद्रकांतराव बिलोलीकर यांनाही लाभला. त्यांच्या सहवासात आलेला अनुभव हा अत्यंत महत्त्वपूर्ण असाच होता.
ते पुढे असेही म्हणाले की, संत तुकडोजी महाराज यांच्या शिष्याने शिकवलेली लाठी कला अनेकांना नंतर खूप उपयोगी ठरली. त्याचबरोबर यातील ज्यांनी कला शिकले त्यांनी पुढच्या पिढीला शिकवण्याचा प्रयत्न केलेला होता.. यावेळी एडवोकेट, पवार, बी पी नरोड यांनी अशा आठवणी लिपीबद्ध होण्याची गरज प्रगट केली.
