हिमायतनगर| सी.आर.पी.एफ फोर्स मध्ये कार्यरत राहून भारत देशाची २७ वर्ष प्रदीर्घ सेवा करून सेवानिवृत्त झालेले माजी सैनिक कैलास सावते (soldier Kailash Sawate) यांचे हृदयविकाराच्या धक्क्याने निधन झाले. मृत्यूसमयी ते ५४ वर्षाचे होते.
नांदेड येथील शासकीय रुग्णालयात उपचार सुरू असताना त्यांची मध्यरात्री प्राणज्योत मालवली. त्यांनी मूळ हिमायतनगर येथे शिक्षण पूर्ण केलं असून, त्यांचा मोठा मित्रपरिवार आहे. त्यांच्या पश्चात दोन मुले, एक मुलगी, पत्नी असा परिवार आहे.
कैलास सावते यांच्या निधनामुळे हिमायतनगर शहर परिसरात दुःख व्यक्त केले जात असून, ईश्वर त्यांच्या आत्म्याला शांती प्रदान करो अशी भावपूर्ण श्रद्धांजली त्यांच्या अनेक मित्रांनी व्यक्त केली आहे. त्यांच्या पार्थिवावर गोवर्धन घाट नांदेड येथे दुपारी एक वाजता अंत्यसंस्कार केले जाणार आहे.
