Kandhar News : ग्रामपंचायत अधिकारी एन.एम.कार्लेकर सेवानिवृत्त
Gram Panchayat Officer N.M. Karlekar Retired कंधार, सचिन मोरे| पंचायत समिती, कंधारचे ग्रामपंचायत अधिकारी एन.एम.कार्लेकर हे नियत वयोमानानुसार सोमवारी, ३० जून रोजी सेवानिवृत्त झाले. त्यांचा सेवापूर्ती गौरव सोहळा दुपारी २ वाजता कै.वसंतराव नाईक सभागृह, पंचायत समिती, कंधार येथे मोठ्या थाटामाटात पार पडला. यावेळी ग्रामपंचायत अधिकारी संघटना व पंचायत समितीच्या सर्व कर्मचाऱ्यांनी जल्लोषात त्यांना निरोप दिला.
या कार्यक्रमाच्या अध्यक्षस्थानी पंचायत समिती, कंधारचे गटविकास अधिकारी महेश पाटील हे होते. यावेळी विस्तार अधिकारी शिवाजी पानपट्टे, कैलास रेनेवाड, प्रकाश मुसळे यांची प्रमुख उपस्थित होते. या कार्यक्रमाच्या प्रारंभी ग्रामपंचायत अधिकारी एन.एम.कार्लेकर यांचा सपत्नीक सत्कार करण्यात आला. त्यानंतर सहाय्यक गटविकास अधिकारी सुधीश मांजरमकर यांची बदली झाल्याबद्दल त्यांना निरोप देण्यात आला. राजेश केंद्रे यांची विस्तार अधिकारीपदी पदोन्नती झाल्याबद्दल त्यांचा सत्कार करण्यात आला. तसेच पंचायत समिती, कंधार येथे रुजू झालेल्या नवीन ग्रामसेवकांचा सत्कार करण्यात आला.
यावेळी ग्रामसेवक संघटनेचे अध्यक्ष विलास नरनाळीकर, सचिव जगदेव शिंदे, ग्रामसेवक संघटनेचे माजी अध्यक्ष गंगाधर कांबळे, माजी सचिव व्यंकट अदमपूरकर, उपाध्यक्ष देऊ शिंदे, उपाध्यक्ष तानाजी घोगरे, उपाध्यक्ष विजय जाधव, स्नेलता जाधवर, सुदर्शन कपाळे, भास्कर व्यवहारे, अंकुश मुंडे, शिवगीर गिरी, कृष्णा रामडिंवार, श्यामबाला डोईजड, कल्पना राठोड, एन.डी.सोनकांबळे, संजय गोर, शेषेराव डेबरे, विश्वनाथ केंद्रे, स्वप्निल सोनकांबळे, परमेश्वर पांडागळे, किरण पांडागळे, कैलास शिंदे, माधव शिंदे, संदीप घोरबांड, दत्ता चोंडे, अंतेश्वर इंगळे, मुंजाळ, मिरज मध्ये, वर्षा पवार, अविनाश दासरवाड, वैजनाथ सुरवसे, मोहन टेंभुर्णी, प्रमोद दिखतवार, ज्ञानेश्वर गुट्टे आदी उपस्थित होते. या कार्यक्रमाचे सूत्रसंचलन विजय जाधव यांनी केले. तर आभार संदीप घोरबांड यांनी मानले.
