धर्माबाद| प्रति वर्षाप्रमाणे यावर्षी सुध्दा यशवंत, गुणवंत, किर्तीवंत, विद्यार्थ्यांचा सत्कार, आदर्श शिक्षक पुरस्कार, उत्कृष्ट पत्रकार पुरस्कार, आदर्श उद्योजक पुरस्कार, आदर्श प्रशासक पुरस्कार, आदर्श शेतकरी पुरस्कार व स्कूल किट वाटप सोहळा माहेश्वरी भवन धर्माबाद येथे पत्रकार संरक्षण समिती धर्माबादच्या वतीने भव्य जिल्हास्तरी पुरस्कार दि. २५ जूलै रोजी आयोजित करण्यात आला आहे.
कार्यक्रमाच्या उद्घाटक कैलासभाऊ गोरठेकर, अध्यक्षस्थानी प्रा. रविंद्र पाटील चव्हाण, मुख्य मार्गदर्शक मारोतराव कवळे गुरुजी प्रमुख पाहुणे मंगेश कदम, महेंद्र गायकवाड, शशिकांत गाडे, माॅन्टीसिंग जहागीरदार, बाळूभाऊ जाधव, शंकर बोलमवाड हे उपस्थित राहणार आहेत. पत्रकार संरक्षण समिती धर्माबादच्या वतीने तालुक्यातील दहावी आणि बारावी उत्तीर्ण विद्यार्थ्यांचा सत्कार व शैक्षणिक साहित्यांचे वाटप करण्यात येणार आहे. या शैक्षणिक साहित्यामध्ये वह्या, पेन, बॅग, वॉटर बाॅटल यांचा समावेश आहे.
पत्रकार संरक्षण समिती धर्माबाद च्यावतीने शैक्षणिक साहित्य वाटप आणि उत्तीर्ण विद्यार्थ्यांचा सत्कार करण्यामागचा हेतू एवढाच की आपल्या तालुक्यातील विद्यार्थ्यांचा शैक्षणिक विकास व्हावा. इतर विद्यार्थ्यांनी त्यांची प्रेरणा घेऊन आपली शैक्षणिक गुणवत्ता वाढवून आपल्या तालुक्याचे नाव लौकिक करावे. कार्यक्रम सोहळ्याला उपस्थित राहण्याचे आवाहन डॉ.सुधीर येलमे, कृष्णा जाजेवार, म.मुबशीर, गजानन मुडेवार, संजय झगडे, लालू उशालवार, गणेश पंडुलवार, फेरोज कुरेशी यांनी केली आहे.
