former MLA Madhavrao Patil ; हदगाव–हिमायतनगरचे माजी आमदार माधवराव पाटील जवळगावकर : विकासाला राजकीय धार देणारे नेतृत्व
हदगाव–हिमायतनगर विधानसभा मतदारसंघाच्या राजकीय इतिहासात माधवराव पाटील जवळगावकर हे नाव ठामपणे कोरले गेले आहे. सत्ता ही वैयक्तिक उंची वाढवण्यासाठी नव्हे, तर जनतेच्या प्रश्नांना वाचा फोडण्यासाठी असते, या तत्त्वावर त्यांनी आपले राजकारण उभे केले. त्यामुळेच ते केवळ माजी आमदार न राहता तळागाळातील जनतेचा विश्वासार्ह प्रतिनिधी ठरले.
या मतदारसंघाला दीर्घकाळ विकासाच्या मुख्य प्रवाहापासून दूर ठेवले गेले होते. मात्र जवळगावकर यांनी ही स्थिती बदलण्याचा निर्धार केला. आमदारकीच्या कार्यकाळात त्यांनी रस्ते, सिंचन, पाणीपुरवठा, वीज, शिक्षण व आरोग्य या मूलभूत विषयांना अग्रक्रम देत शासनावर सातत्याने दबाव टाकला. रखडलेली कामे मार्गी लावणे, निधी मिळवणे आणि तो प्रत्यक्ष कामात उतरवणे, ही त्यांची राजकीय कार्यशैली होती.
शेतकरी हा त्यांच्या राजकारणाचा केंद्रबिंदू होता. दुष्काळ, अतिवृष्टी, पीकनुकसान, हमीभाव, कर्जमाफी यांसारख्या मुद्द्यांवर त्यांनी कधीही तडजोड केली नाही. विधानसभेत असो वा रस्त्यावर, शेतकऱ्यांच्या हक्कांसाठी त्यांनी ठाम भूमिका घेतली. त्यामुळेच शेतकरी वर्गात त्यांच्याविषयी आजही आत्मीयता आणि विश्वास दिसून येतो.
राजकारणात वाढत चाललेल्या दिखाव्याच्या आणि घोषणाबाजीच्या युगात कामातून बोलणारे नेतृत्व म्हणून जवळगावकर यांची ओळख निर्माण झाली. त्यांनी कधीही सत्तेचा माज दाखवला नाही, तर सामान्य माणसाशी थेट संवाद साधत प्रश्न समजून घेणे आणि सोडवणे, हेच आपले बळ मानले.
शिक्षण, क्रीडा आणि आरोग्य क्षेत्रात त्यांनी केलेले प्रयत्न हे त्यांच्या दूरदृष्टीचे द्योतक आहेत. ग्रामीण विद्यार्थ्यांसाठी शैक्षणिक, क्रीडा क्षेत्रात संधी वाढाव्यात, आरोग्य सेवा गावाच्या दारात पोहोचाव्यात, यासाठी त्यांनी शासनाच्या योजनांना राजकीय बळ दिले. विकास म्हणजे इमारती नव्हे, तर माणसात गुंतवणूक हा त्यांचा स्पष्ट विचार होता.
आज सत्तेत नसले तरी माधवराव पाटील जवळगावकर यांचे विचार, कार्य आणि विकासाची दृष्टी आजच्या आणि पुढील पिढीसाठी मार्गदर्शक आहे. मतदारसंघाच्या विकासासाठी झटणारे, स्वच्छ प्रतिमा जपणारे आणि जनतेच्या विश्वासावर उभे असलेले हे नेतृत्व काळाच्या कसोटीवर उतरले आहे. दि. २६ जानेवारी रोजी त्यांच्या वाढदिवसानिमित्त त्यांच्या दीर्घायुष्य, उत्तम आरोग्य आणि सतत जनसेवेसाठी मनःपूर्वक शुभेच्छा. नांदेड न्यूज लाईव्ह परिवारातर्फे त्यांना वाढदिवसाच्या हार्दिक शुभेच्छा!
लेखन……अनिल मादसवार, संपादक, NNLMARATHI
