CIDCO ; सिडको परिसरातील मुख्य व अंतर्गत रस्त्यावर कचराच कचरा, स्वच्छता विभागाचे दुर्लक्ष
नवीन नांदेड l सिडको क्षेत्रीय कार्यालय अंतर्गत गेल्या आठ दिवसांपासून परिसरात होत असलेल्या संततधार पावसामुळे नाले साफसफाई न केल्याने संततधार पावसामुळे नाल्यातील घाण व परिसरातून आलेला कचरा विखुरलेला अवस्थेत रोडवर पसरल्याने नागरिकांना व वाहनधारकांना नाहक त्रास सहन करावा लागत असुन स्वच्छता विभागाने या कडे दुर्लक्ष केले असून तात्काळ साफ सफाई करावी अशी मागणी होत आहे.
सिडको क्षेत्रीय कार्यालय अंतर्गत कार्यालय जवळ मुख्य मार्गावर व अंतर्गत रस्त्यावर संततधार पावसामुळे नाल्यातील घाण व वाहुन आलेल्या कचरा विखुरलेला अवस्थेत वाहत आल्याने वाहन धारकासह परिसरातील नागरिकांना त्रास सहन करावा लागत आहे, विशेष म्हणजे मनपाच्या क्षेत्रीय कार्यालय जवळच हा कचरा मोठ्या प्रमाणात विखुरलेला अवस्थेत आहे.
गेल्या अनेक दिवसांपासून संततधार पावसामुळे नाल्यातील व वाहुन आलेल्या कचरा विखुरलेला अवस्थेत इतरत्र ही मोठ्या प्रमाणात आहेत, स्वच्छता निरीक्षक, खाजगी कंपनीचे व्यवस्थापक यांच्या सह अनेक कर्मचारी कार्यरत आहेत मात्र या कडे दुर्लक्ष केले आहे, रोगराई पसरण्याचा आगोदर सिडको हडको परिसरासह विविध भागातील कचरा तात्काळ उचलण्याची मागणी नागरिकांकडून होत आहे.
