Parmeshwar tempal : परंपरा, श्रद्धा आणि ग्रामसंस्कृतीचा महासंगम श्री क्षेत्र परमेश्वर महाशिवरात्री यात्रेला लाखो भाविकांच्या उपस्थितीत होणार भव्य प्रारंभ
हिमायतनगर,अनिल मादसवार| दरवर्षीप्रमाणे यंदाही वाढोणा - वारणावती - हिमायतनगर येथील जागृत देवस्थान श्री क्षेत्र परमेश्वराची महाशिवरात्री यात्रा महोत्सव २०२६ मोठ्या भक्तिभावात आणि उत्साहात साजरा करण्यात येणार आहे. यात्रेसाठी राज्यासह परराज्यातून लाखो भाविक दाखल होणार असून, यात्रेत धार्मिक, सांस्कृतिक, भजन, खेळ व शेतकऱ्यांसाठी भव्य शंकरपट व पशुप्रदर्शन स्पर्धेचे विशेष आयोजन करण्यात आले आहे. विजयी स्पर्धकांना तब्बल १२ लाख ५१ हजार रुपयांची बक्षीसे आणि श्री परमेश्वराची प्रतिमा असलेले सन्मानचिन्ह देऊन मान्यवरांच्या हस्ते गौरविण्यात येणार असल्याची माहिती श्री परमेश्वर मंदिर कमिटीचे उपाध्यक्ष महाविरचंद श्रीश्रीमाळ व संचालक मंडळींनी दिली आहे.
गेल्या अनेक वर्षाच्या परंपरेनुसार याही वर्षी श्री परमेश्वराच्या महाशिवरात्र यात्रा उत्सवाची सुरुवात दिनांक दि. १३ फेब्रुवारी रोजी अखंड हरिनाम सप्ताह व ग्रं...
