किनवट | श्री नर्मदेश्वर महादेव बारा ज्योतिर्लिंग साईंबाबा मंदिर सेवाभावी संस्था, किनवट यांच्या पुढाकारातून तसेच लायन्स नेत्र रुग्णालय, जंगमवाडी (नांदेड), ओम साई डॉ. धर्मकारे दंत दवाखाना व लायन्स स्पीच अँड हिअरिंग क्लिनिक यांच्या संयुक्त विद्यमाने मोफत आरोग्य तपासणी शिबिराचे आयोजन करण्यात आले आहे.
हे शिबिर गुरुवार, दि. ५ फेब्रुवारी २०२६ रोजी सकाळी १० ते दुपारी १२.३० वाजेपर्यंत श्री नर्मदेश्वर महादेव बारा ज्योतिर्लिंग साईंबाबा मंदिर, किनवट येथे संपन्न होणार आहे.
या शिबिरामध्ये नेत्र तपासणी व मोतीबिंदू निदान व मार्गदर्शन, कान तपासणी (बहिरेपणा संदर्भात तपासणी व मार्गदर्शन), दंतविकार तपासणी व उपचाराबाबत मार्गदर्शन, आवश्यक रुग्णांसाठी शस्त्रक्रिया व पुढील उपचाराकरिता मोफत नोंदणी या सुविधा पूर्णतः मोफत उपलब्ध करून दिल्या जाणार आहेत.
ग्रामीण भागातील गरजू रुग्ण, गरीब नागरिक तसेच ज्येष्ठ नागरिकांनी या सुवर्णसंधीचा लाभ घ्यावा, असे आवाहन आयोजकांच्या वतीने करण्यात आले आहे. “सेवाच खरा धर्म” या भावनेतून आयोजित या उपक्रमास नागरिकांनी मोठ्या संख्येने उपस्थित राहावे, असेही सांगण्यात आले.
अधिक माहितीसाठी व नाव नोंदणीसाठी पवार गुरुस्वामी यांच्याशी पुढील क्रमांकावर संपर्क साधावा ९८५०६३१९९१ … सामाजिक व धार्मिक जाणिवेतून राबविण्यात येणाऱ्या या उपक्रमाचे सर्व स्तरातून स्वागत होत आहे.