नांदेड/अर्धापूर| नांदेड जिल्ह्यातील ज्या ठिकाणी साखर कारखाने, ऊसतोड कामगार व वीट भट्टी कार्यक्षेत्रा अंतर्गत वंचित गरोदर माता व बालकाचे लसीकरण करणे, राष्ट्रीय कुष्ठरोग व क्षयरोग आरोग्य विषयक समुपदेशन करणे, वैयक्तिक स्वछता, आरोग्य तपासणी ऊस तोडणी कामगार व वीट भट्टी कामगार आहेत यांच्या कुटुंबातील स्थलांतरित कुटुंबाना आरोग्य सेवा उपलब्ध करून त्यांना आरोग्य सेवा देण्यात यावी असे निर्देश जिल्हा आरोग्य अधिकारी डॉ संगीता देशमुख (The district health officer went directly to the sugar factory) यांनी दि. १ फेब्रूवारी रोजी भाऊराव चव्हाण साखर कारखाना देगाव बु ता.अर्धापूर येथे पालावर अचानक भेट देऊन निर्देश दिले.
त्या ठिकाणी राहत असलेल्या कुटुंबातील गरोदर माता यांची पालावर जाऊन गृहभेट दिली व त्या ठिकाणी राष्ट्रीय माता बालसंगोपन कार्यक्रम अंतर्गत मातेला आरोग्य विभाग मार्फत कोण कोणत्या सेवा दिल्या जातात याची प्रत्यक्ष गरोदर माता लाभार्थी यांच्या सोबत संवाद साधुन आस्थेवाईकपणे विचारणा केली. आरोग्य विभाग मार्फत गरोदर मातांना मोफत आरोग्य सेवा दिली जाते या सेवेचा लाभार्थींनी लाभ घ्यावा व प्रसृती सुरक्षित शासकीय दवाखान्यात करावी असे आवाहन जिल्हा आरोग्य अधिकारी डॉ संगीता देशमुख यांनी केले.
नांदेड जिल्ह्यात साखर कारखाने व वीटभट्टी तालुक्यातील ज्या प्राथमिक आरोग्य केंद्र कार्यक्षेत्रा मध्ये साखर कारखाने व वीटभट्टी आहेत. कारखाने सुरू झाले त्या ठिकाणी काम करणारे ऊस तोडणी कामगार यांना शुध्द पाणी पुरवठा होण्यासाठी त्या ठिकाणी असलेल्या पाणी स्तोत्राची पाणी नमुने तपासणी करण्यात यावी. राष्ट्रीय माता बालसंगोपन कार्यक्रम मधील संपुर्ण आरोग्य सेवा त्या कारखाना ठिकाणी विशेष आरोग्य शिबीर आयोजित करून आरोग्य सेवा देण्यात यावे.
यामध्ये गरोदर मातेला विशेष सेवा या मध्ये संपुर्ण मोफत रक्त तपासणी, लघवी तपासणी, सोनोग्राफी व संदर्भ सेवा देण्यात यावे असे निर्देश नांदेड जिल्हा परिषदेच्या जिल्हा आरोग्य अधिकारी डॉ संगीता देशमुख यांनी अर्धापूर तालुका आरोग्य अधिकारी डॉ श्रीकांत देसाई, वैद्यकीय अधिकारी डॉ. बाळासाहेब पवार यांना निर्देशित केले. यावेळी आरोग्य उपकेंद्र देगाव बु येथील अधिकारी व कर्मचारी उपस्थित होते..
