in Osmannagar celebrated Pola ; उस्माननगर परिसरात पोळा उत्साहात साजरा.. – NNL
उस्माननगर| माणिक भिसे एक सप्टेंबर मंगळवारी सायंकाळी पाच वाजता सजवलेल्या बैलांना वाजत गाजत, फटाक्यांच्या आवाजात पारंपारिक पद्धतीने मारुती मंदिराजवळ आणण्यात आले. पोळा पाहण्यासाठी लोकांनी गर्दी केली होती. मागील दोन तीन दिवसांच्या धुवांधार पावसाने सर्वत्र पाणीच पाणी झाले होते. बाहेर फिरणे मुश्किल झाले होते.
सोमवारी दुपारी तीन नंतर विश्रांती घेतल्यावर बैल पोळ्यास सुरूवात झाली. सायंकाळी पाच वाजता मानकरी यांच्या घराकडून वाजत गाजत गावातील मारुती मंदिराकडे जमा झाले. पोळ्याला ग्रामदैवत श्री महारूद्र हानुमाण मंदीराभोवती फिरण्याचा मान उस्माननगर येथील कै. व्यंकटराव पाटील घोरबांड व आनंदराव पाटील घोरबांड यांचा असतो. यावेळी भाविकीतील प्रतिष्ठित नागरिक बाबुराव पाटील घोरबांड , माजी सरपंच वैजनाथ पाटील घोरबांड यांच्या हस्ते नारळ फोडून , गुलाल उधळून पोळ्यास प्रारंभ केला मानाचे बैल फिरविण्यास सुरूवात.
खांद्याला खांदा लावून सेवा देणाऱ्या या बळीराजाच्या सख्याबध्दल कृतज्ञता व्यक्त करण्याचा हा दिवस साजरा केला जातो. दि.२ सप्टेंबर मंगळवारी असलेल्या दर्श, पिठोरी , अमावस्या म्हणजेच बैल पोळा वर्षभर आपल्या शेताची औताची साह्याने मेहनतीने बळीराजाच्या गंभीर पाठिशी उभा असतो. सोमवारी सकाळी पाऊस असल्याने गोठ्यातच सर्जा राजा ला अंघोळ घालून . रंगीबेरंगी कलर लावून शिंगावर गोंडे बांधून गावातील मारोती मंदीर भौवती मिरवणूक काढण्यात आली.
वेगवेगळ्या प्रकारे सजवून पोळा सण आनंदाच्या व उत्साहाच्या वातावरणात उस्माननगर परिसरात पारंपरिक पद्धतीने साजरा करण्यात आला. त्यानंतर घरोघरी सर्जा राजाची विधीवत पूजा करून पुरणपोळीचा नैवेद्य दाखवून कृतज्ञता व्यक्त केली. बैलपोळा पहाण्यासाठी नागरिकांनी गर्दी केली होती.यावेळी पोलिस पाटील मोरे , पोलिस कर्मचारी , चेअरमन , सरपंच , यांची उपस्थिती होती.
