Kaliya Kirtan of Mahashivratri : भव्य शोभायात्रा व काल्याच्या कीर्तनाने महाशिवरात्रीच्या ग्रंथराज ज्ञानेश्वरी पारायणाची सांगता
हिमायतनगर, अनिल मादसवार| मागील आठ दिवसापासुन महाशिवरात्रीच्या निमित्ताने हिमायतनगर येथील श्री परमेश्वर मंदिरात सुरु असलेल्या अखंड हरिणाम, विना पहारा, ग्रंथराज ज्ञानेश्वरी पारायण सोहळयाची सांगता दि. ०३ मार्च रोजी ग्रामदिंडी व हभप. सोपान महाराज शास्त्री यांच्या मधुर वाणीतील काल्याच्या किर्तनाने करण्यात आली. याप्रसंगी ग्रामीण व शहरी भागातुन हजारोंच्या संख्येने श्री परमेश्वर भक्तांचा जनसागर लोटला होता.
ग्रंथराज पारायनाच्या शेवटच्या दिवशी म्हणजे अखंड हरिणाम सप्ताह समाप्ती नीमीत्त दि.०३ मार्च रविवारी सकाळी ९ वाजता ग्रंथराज ज्ञानेश्वरी पारायणाची पालखी दिंडी व्यासपीठाचार्य हभप शिवाजी महाराज वडगावकर यांच्या नेतृत्वाखील शहरातील मुख्य रस्त्यावरुन काढण्यात आली. या शोभा यात्रेत चिमुकल्या मुलीं डोक्यावर ज्ञानेश्वरी ग्रंथ व हाती भगवा ध्वज घेऊन बालके सामील झाले होते. तसेच टाळ मृदंगच्या गजरात श्री परमेश्वर भजनी मंडळाच्या वारकरी महीला व पुरुषांनी ताल धरुन शहरवासीयांना आकर्षीत केले. शहरातील मुख्य रस्त्यावरून निघालेली शोभा यात्रा परत श्री पमेश्वर मंदिरात येऊन सत्कार समारंभ व महाप्रसादाने ग्रंथराज ज्ञानेश्वरी पारायणाचा समारोप करण्यात आला.
दुपारी ०१.३० वाजता सुरु झालेल्या काल्याच्या कीर्तनात जवळपास २.५ तास हभप. सोपान महाराज सानप शास्त्री यांनी उपस्थित भक्तांना श्रीकृष्ण लीलाचे सखोल असे मार्गदर्शन करून भक्तीचा मार्ग दाखविला. सायंकाळी ५ वाजता काल्याच्या किर्तनानंतर राधा -कृष्णाची झाकी साकारलेल्या बालकांच्या हस्ते दहीहंडी फोडण्यात आली. काल्याच्या प्रसाद वितरणानंतर दहीहंडी फोडलेल्या राधाकृष्णीची मीरवणुक शहरातील मुख्य रस्त्यावरुन काढण्यात आली होती.
यावेळी परमेश्वर मंदिराचे उपाध्यक्ष महावीरसेठ श्रीश्रीमाळ, सेक्रेटरी अनंता देवकते, राजेश्वर चिंतावार, प्रकाश शींदे, राजाराम बलपेलवाड, वामनराव बनसोडे, लताबाई पाध्ये, लताबाई मुलंगे, मथुराबाई भोयर, ऍड दिलीप राठोड, अनिल मादसवार, संजय माने, विलास वानखेडे, गजानन मुत्तलवाड, लिपिक बाबुराव भोयर गुरुजी, यात्रा सब कमेटी अध्यक्ष सुभाष शिंदे, अनिल भोरे, रामराम सूर्यवंशी, मायंबा होळकर, पुष्पा मुधोळकर, सुनंदा दासेवार, सुशीला बासेवाड, विठ्ठल ठाकरे, राजु गाजेवार, गणेश पाळजकर, राजू राहुलवाड, रामू नरवाडे, गजानन चायल, गंगाधर बासेवाड, मनोज यंगलवार, प्रभाकर मुधोळकर, उदय देशपांडे, संतोष गाजेवार, ज्ञानेश्वर शिंदे, सियाम पाटील, सुधाकर चित्तेवार, संतोष वानखेडे, देविदास शिंदे, पापा पार्डीकर, देवराव वाडेकर, मारोती वाघमारे, प्रकाश साभळकर, ज्योती पार्डीकर, यांच्यासह बजरंग दलाचे युवक स्वयंसेवक व गावकरी नागरीक महीला – पुरुष हजारोच्या संख्येने उपस्थीत होते.
