Rashtrasant Tukadoji Maharaj : हिमायतनगर येथील राष्ट्रसंत तुकडोजी महाराज स्मारकात गुरुपौर्णिमा साजरी
हिमायतनगर| येथील पोलीस ठाण्याच्या बाजूला असलेल्या राष्ट्रसंत तुकडोजी महाराज स्मारकात गुरुपौर्णिमा साजरी करण्यात आली. त्यानिमित्ताने भजनाचा कार्यक्रम संपन्न झाला. यावेळी मोठ्या प्रमाणात महिला- पूरूष भजनी मंडळी सभागी झाली होती.
शहरातील राष्ट्रसंत तुकडोजी महाराज स्मारकामध्ये दरवर्षीप्रमाणे याही वर्षी मोठ्या उत्साहात गुरुपौर्णिमा साजरी करण्यात आली. प्रथम राष्ट्रसंत तुकडोजी महाराज यांच्या परिमल पुष्पहार अर्पण करून आदरांजली वाहण्यात आली. गोपाळराव महाराज मूरझळेकर यांनी उपस्थितांना मार्गदर्शन करून राष्ट्रसंत तुकडोजी महाराजांच्या जिवण चरित्रावर प्रकाश टाकला.
या कार्यक्रमाच्या अध्यक्षस्थानी जण जागरण भजन संग्रह लिहणारे कवी, लेखक विठ्ठलराव फुलके हे होते. त्यानंतर दिवसभर भजनी मंडळाचा कार्यक्रम रंगला यात रमेश मणिराम, गंगाधर वाघमारे, सौ.सविताबाई हरडपकर, पोतन्ना गड्डमवार, चांदराव बनसोडे, राजू राहुलवाड, परमेश्वर मादसवार, संभाजी अक्कलवाड, हरिभाऊ शेळके यांनी भजन सादर केले. आनंदराव नवसागरे, आदींसह अनेकांनी साथ संगत दिली. त्यानंतर सायंकाळी महाप्रसादाने उत्सवाची सांगता करण्यात आली.
