श्रीक्षेत्र माहूर, राज ठाकूर। “जगाला शांती कळेल” (THE WORLD WILL KNOW PEACE) या शिर्षकाखाली न्यूयॉर्क (UNITED STATE’S) शहरातील प्रसिध्द डासिया या गॅलरी मध्ये दि. १७ जून २०२४ ते दि २८ जून २०२४ या दरम्यान सुरु असलेल्या अंतरराष्ट्रीय प्रदर्शनात माहूर येथील प्रसिद्ध चित्रकार रणजीत दत्त वर्मा यांच्या दोन चित्राकृतींची निवड होऊन सदर ठिकाणी ती चित्रे प्रदर्शित करण्यात आल्याची माहिती आयोजक स्मृती सिरसाठ तथा अमृता कोच्चर यांनी दिली आहे.
सदर प्रदर्शनात भारतासह पाकीस्तान, दक्षिण आफ्रीका, लंडन येथील अंतरराष्ट्रीय स्तरावरील प्रख्यात चित्रकारांचा समावेश असून माहूर सारख्या दुर्गम भागातून साता समुद्रापार अंतरराष्ट्रीय स्तरावर आपल्या व्यासंगाच्या माध्यमातून माहूर चे नाव सुवर्ण अक्षरांनी प्रसिध्द चित्रकार रणजीत दत्त वर्मा हे सातत्याने आपल्या कलेचे सादरीकरण करुन माहूरचे नाव विश्व स्तरावर पोहोचवीत आहेत हे विशेष उल्लेखनीय आहे. चित्रकार वर्मा हे जिल्हा परिषदेत शिक्षक असून शालेय बालकांना ज्ञानदानाचे धडे देत कलेच्या व्यासंगामुळे कलेसाठी उर्वरीत वेळ काढत अंतरराष्ट्रीय, राष्ट्रीय, राज्य स्तरांवरील अनेक प्रदर्शन, कला प्रात्यक्षिके, कला कार्यशाळा, मार्गदर्शन तथा विवीध स्पर्धांमधून सातत्याने सहभागी होत असतात, त्यांना यापूर्वीही अनेक महत्वपूर्ण पुरस्कारांनी भरीव योगदानासाठी विवीध संस्था व आयोजकांनी त्यांच्या कार्याचा गौरव करत सन्मानित केले आहे. यापूर्वी ही त्यांची चित्रे अनेक देशात प्रदर्शित झाली आहेत. सदर प्रदर्शनाचे उद्घाटन दि. १७जून २०२४रोजी झाले आहे.
चित्रकार वर्मा यांच्या या यशा बद्दल माहूरचे तहसिलदार किशोर यादव, माहूर चे नगराध्यक्ष फिरोज कादर दोसानी,ग. शि.अ. राजेंद्र मुधोळ कर, शेषराव संभाजीराव पाटील (तालुकाध्यक्ष म. रा. शि परिषद) अरविंद जाधव (तालुकाध्यक्ष शिक्षक भारती )केंद्रप्रमुख संतोष चव्हाण, जितेंद्र वर्मा, राजेश ऊडाखे हरीश ढोबळे, आरती कोरडे, बालाजी उबाळे,बाळकृष्ण कांबळे, या सह परिसरातील चित्रकार तथा नागरिकांनी त्यांचे अभिनंदन करत पुढील कार्यास शुभेच्छा दिल्या आहेत.
