नांदेड। पंढरपूर येथील श्री विठ्ठल-रुक्मिणी मंदिरातील संत नामदेव पायरीच्या दरवाजाला नांदेड येथील भाविक अरगुलवार परिवारातर्फे चांदी बसवून देणार असल्याची माहिती कार्यकारी अधिकारी राजेंद्र शेळके यांनी दिली.
शंकर दिगंबर अरगुलवार व नरसिमलू दिगंबर अरगुलवार बांनी कै. दिगंबर तुकाराम अरगुलवार व कै. जनाबाई दिगंबर अरगुलवार या आपल्या आई-वडिलांच्या स्मरणार्थ हे काम करून देणार आहेत. सदरचे भाविक है श्री विठ्ठल-रुक्मिणी मातेचे निस्सीम भक्त असून नियमित दर्शनासाठी जात असतात ते बिलोली (जिल्हा नांदेड) येथील रहिवासी असून, या दरवाजासाठी सुमारे ३० किलो चांदीचा वापर करण्यात येणार असून, त्याची बाजार मूल्यानुसार सुमारे २६ लाख इतकी किंमत होत असल्याचे पंढरपूर येथील श्री विठ्ठल-रुक्मिणी मंदिरा चे व्यवस्थापक मनोज श्रोत्री यांनी यावेळी सांगितले.
पंढरपूर येथील श्री विठ्ठल-रुक्मिणी मंदिरा चे प्रवेशद्वारावरच संत नामदेव महाराज यांनी संजीवनी समाधी घेतली आहे. तेथे संत नामदेव पायरी असून विठ्ठल-रुक्मिणी चे दर्शन घेण्याआधी नामदेव पायरी चे दर्शन घेऊनच वारकरी मंदिरात प्रवेश करतात. संत नामदेव पायरी ला वारकरी संप्रदायात माठे महत्व आहे. या पायरी चा २६ लाखाची चांदी लाऊन दरवाजा मढवला जात आहे. नांदेड जिल्ह्यातील भाविक अरगुलवार परिवारातर्फे चांदी बसवून देणार आहेत.
