नांदेड/बिलोली। तालुक्यातील तेंलगना व महाराष्ट्र राज्याच्या सिमेवरील मांजरा नदीच्या पायथ्याशी असलेल्या येसगी गावाजवळ अगदी महामार्गाच्या बाजूस पोशट्टी नागाभोई उसकेलवार वय ४२ वर्षे रा.सगरोळी यांचा मृतदेह आढळून आला.हा गेल्या आठ दिवसापूर्वी सगरोळी येथून घरातुन गेला होता तेव्हापासून तो बेपत्ता होता.आज सकाळी त्याचा मृतदेह सडलेल्या अवस्थेत असल्याने कांही दिवसापूर्वी मृत्यू झाल्याचे शक्यता पोलिसांनी वर्तवली आहे.शेव विच्छेदन करून मृतदेह नातेवाईकांच्या ताब्यात देण्यात आले.
दुसऱ्या घटनेत दगडापूर टोलनाक्या जवळ कुंडलवाडी येथील शेख खासीम फय्याज नावाच्या ४५ वर्षीय इसमाचे मृतदेह आज सकाळी दिसून आले.वृत्त लिहीपर्यंत कुंडलवाडी येथून नातेवाईक बिलोलीच्या ग्रामीण रुग्णालयात दाखल झाले होते मात्र अधिक तपशील समजू शकला नाही.दोन्ही मृतदेह बिलोलीच्या ग्रामीण रुग्णालयात शेव विच्छेदनासाठी दाखल करण्यात आले असून सगरोळीच्या पोशेट्टीचे शव विच्छेदन झाल्यानंतर मृतदेह नातेवाईकांना देण्यात आले.
एकाच दिवशी दोन मृतदेह आढळल्याने पोलीसा पुढेही मोठे आवाहन उभे राहिले आहे.या प्रकरणी बिलोली पोलीसांनी प्राथमिक अवस्थेत गुन्ह्याची नोंद करून पुढील तपासा करिता पोलीस निरीक्षक अतुल भोसले यांच्या मार्गदर्शनाखाली पोलीस उपनिरीक्षक शिवराज लोखंडे,पो.काँ.मुद्देवाड यांच्यासह पोलीस सरसावले आहेत.
