किनवट येथील छत्रपती शिवाजी महाराजांचा पुतळा नियोजित जागेवर बसविणे करिता उपोषण -NNL
किनवट,परमेश्वर पेशवे। छत्रपती शिवाजी महाराजांचा अश्वारूढ पुतळा महाराजांच्या राज्याभिषेक दिनी म्हणजेच 6 जून 2023 रोजी ढोल ताशाच्या मिरवणुकीसह किनवट शहरात आणण्यात आला. पण 14 महिने उलटून गेले तरी छत्रपती शिवाजी महाराज यांचा पुतळा उभारणीच्या प्रक्रियेला नगरपरिषद किनवटला अद्यापही मुहूर्त मिळालेला नाही.
प्रशासनाची परवानगी ज्या ठिकाणी आहे त्या ठिकाणी त्वरित पुतळा बसविण्यात यावा या मागणीसाठी. गजानन कोल्हे मा. उपसभापती पंचायत समिती किनवट, शाम रावसाहेब मगर रा.आंदबोरी (चि.) ता.किनवट, चंद्रकांत प्रकाश साळवे रा. मांडवा (कि.) ता. किनवट हे ज्येष्ठ मार्गदर्शक वैजनाथ करपुडे पाटील यांच्या नेतृत्वाखाली नगरपरिषद किनवट समोर आमरण उपोषणास बसले आहे.
नगरपरिषद किनवटच्या अग्निशमन कार्यालयामध्ये बंदिस्त करून ठेवलेला छत्रपती शिवाजी महाराजांचा पुतळा नियोजित ठिकाणी बसविण्यात यावा यासाठी अनेक दिवसापासून शिवप्रेमी निवेदने, उपोषण, आंदोलने, अशा अनेक प्रकारे पाठपुरावा करीत होते परंतु नगरपरिषद प्रशासन कुंभकर्णी झोप घेत त्यावर कुठलाही निर्णय घेत नव्हते अखेरीस शिवप्रेमींयांचा संयम संपला असून आता शिवप्रेमी अखेरचे आमरण उपोषणाचे हत्यार उपसले आहे. आता तरी संबंधित प्रशासनाला जाग येऊन महाराजांचा पुतळा तातडीने स्थापित करावा अन्यथा प्रशासनाला शिवप्रेमीचे आंदोलन पेलणे कठीण जाईल. अशा तीव्र प्रतिक्रिया शिवप्रेमी कडून येत आहेत.
