पुरस्कार प्राप्त मान्यवरांचा मसाप शाखा नांदेडच्या वतीने सत्कार : शिवजयंती निमित्त छत्रपती शिवरायांनाही केले अभिवादन
नांदेड l रयतेचे राजे छत्रपती शिवाजी महाराज यांच्या जयंतीचे औचित्य साधून छत्रपती शिवाजी महाराज यांना अभिवादन केल्यानंतर नांदेड जिल्ह्यातील मान्यवरांना विविध पुरस्कार मिळाल्याबद्दल मराठवाडा साहित्य परिषद शाखा नांदेडच्या वतीने आज सत्कार करण्यात आला.
विसावा पॅलेस येथे आयोजित करण्यात आलेल्या या सत्कार समारंभाच्या अध्यक्षस्थानी मराठवाडा साहित्य परिषदेचे केंद्रीय कार्यकारणी सदस्य तथा ज्येष्ठ पत्रकार संजीव कुळकर्णी यांची उपस्थिती होती. यावेळी प्रमुख अतिथी म्हणून अखिल भारतीय मराठी साहित्य महामंडळाचे सदस्य , ज्येष्ठ साहित्यिक देवीदास फुलारी , मसाप शाखा नांदेडचे अध्यक्ष बालाजी इबितदार यांची उपस्थिती होती.
प्रा.मनोज बोरगावकर यांच्या नदिष्ट कादंबरीच्या गुजराती अनुवादाला गुजरात साहित्य अकादमीचा पुरस्कार जाहीर झाला आहे. स्वामी रामानंद तीर्थ मराठवाडा विद्यापीठातील भाषा संकुलाचे संचालक ज्येष्ठ लेखक ,...
