हदगाव, गौतम वाठोरे| जागतिक महिला दिनानिमित्त हदगाव नगरपरिषदेमार्फत राष्ट्रमाता राजमाता जिजाऊ यांच्या नियोजित पुतळ्याच्या स्तंभाच्या बांधकामाचे भूमिपूजन तसेच राष्ट्रमाता जिजाऊ उद्यान व नमो गार्डनच्या सुशोभीकरणाच्या कामाचा शुभारंभ करण्यात आला.
हा कार्यक्रम हदगाव–हिमायतनगर विधानसभा मतदारसंघाचे आमदार बाबुराव पाटील कदम व नगराध्यक्ष भास्कर दादा सुभाष वानखेडे यांच्या शुभहस्ते पार पडला. यावेळी घरकुल योजनेतील लाभार्थ्यांना घरकुल प्रमाणपत्रांचे वितरणही करण्यात आले.
या कार्यक्रमाला विवेक देशमुख (शिवसेना जिल्हाप्रमुख), संभाजीराव लांडगे (माजी जिल्हा परिषद सदस्य), बाळासाहेब कदम (माजी सभापती), अनिल पाटील बाभळीकर (माजी जिल्हा परिषद सदस्य), बाबूसराव कदम (माजी उपसभापती), बबन माळोदे (शहरप्रमुख), डॉ. संजय पवार, युवा नेते आबा वानखेडे, सौ. शितलताई पाटील (महिला जिल्हाप्रमुख, नांदेड), संदेश पाटील हडसणीकर (युवासेना जिल्हाप्रमुख) यांच्यासह नगरसेवक गुणवंत काळे, बालाजीराव शिंदे, बालाजी राठोड, लक्ष्मणराव काळबांडे, पांडुरंग जाधव, नामदेव वाकोडे, सचिन सूर्यवंशी, शेख कलीम, अमोल नरवाडे, संदीप हुलकाने, रविशंकर गुडूप, किशोर भोस्कर तसेच माजी नगरसेवक फेरोज पठाण, राजू तालंकर, संजू पांडे यांच्यासह अनेक पदाधिकारी, कार्यकर्ते व नागरिक मोठ्या संख्येने उपस्थित होते.
यावेळी हदगाव शहरातील नागरिक तसेच महायुतीचे पदाधिकारी-कार्यकर्ते मोठ्या संख्येने उपस्थित राहून कार्यक्रमाला उत्स्फूर्त प्रतिसाद दिला.
