हिमायतनगर (अनिल मादसवार) श्री परमेश्वर देवस्थाच्या यात्रेनिमित्त आयोजित पारंपरिक कुस्ती स्पर्धेत यंदा मानाच्या कुस्तीने अक्षरशः आखाडा दणाणून सोडला. बजरंग दलातर्फे ठेवण्यात आलेली पहिली मानाची कुस्ती कोल्हापूरच्या दमदार पैलवान विक्रम गणपतराव गायकवाड यांनी शानदार डावपेच आणि अफाट ताकदीच्या जोरावर जिंकली. सुरुवातीपासूनच आक्रमक खेळ करत त्यांनी प्रतिस्पर्ध्याला चीतपट करत प्रेक्षकांची मने जिंकली.
तसेच दुसऱ्या क्रमांकाची कुस्ती बोरगडी येथील पैलवान निलेश शंनेवाड यांनी जिंकत आपला ठसा उमटविला. दोन्ही लढतींना प्रेक्षकांचा उत्स्फूर्त प्रतिसाद लाभला. टाळ्यांचा कडकडाट, शिट्ट्यांचा गजर आणि जल्लोषात विजेत्यांचा सत्कार करण्यात आला.
विजयी घोषित होताच ढोल-ताशांच्या गजरात मल्लांची भव्य मिरवणूक काढण्यात आली. मिरवणूक थेट परमेश्वर मंदिरापर्यंत नेण्यात आली, जिथे विजेत्यांनी श्री परमेश्वराचे दर्शन घेतले. त्यानंतर मंदिर कमेटी व बक्षीसदात्यांच्या हस्ते ट्रॉफी व सन्मानचिन्ह देऊन विजयी मल्लांचा गौरव करण्यात आला.
या वेळी मंदिर कमेटीचे पदाधिकारी, कुस्ती शौकीन आणि ग्रामस्थ मोठ्या संख्येने उपस्थित होते. पारंपरिक आखाड्याची परंपरा जपत यात्रेतील या कुस्ती स्पर्धेने उत्सवात चार चाँद लावले असून, कुस्तीप्रेमींसाठी हा सोहळा अविस्मरणीय ठरला.
या वेळी उपाध्यक्ष महावीरसेठ श्रीश्रीमाळ, सेक्रेटरी अनंता देवकते, यात्रा सब कमेटी अध्यक्ष सुभाष शिंदे, कुस्ती स्पर्धेचे अध्यक्ष तथा नगराध्यक्ष रफिक सेठ, उपनगराध्यक्ष विनोद गुंडेवार, नगरसेवक डॉ. राजेंद्र वानखेडे, विठ्ठल ठाकरे, आशिष सकवान, सुभाष बल्पेलवाड, सरदार खान, पोलीस निरीक्षक अमोल भगत, शंकर पट समिती अध्यक्ष संतोष गाजेवार, उपाध्यक्ष ज्ञानेश्वर शिंदे, सचिव श्याम पाटील, माजी जि.प. सदस्य समद खान, नारायण माने सोनारीकर, उदय देशपांडे, राम नरवाडे,
संचालक राजाराम झरेवाड, वामनराव बनसोडे, अॅड. दिलीप राठोड, अनिल मादसवार, संजय माने, विलास वानखेडे, गजानन मुत्तलवाड, गजानन चायल, गजानन हार्डफकर, रामराव सूर्यवंशी, राजू गाजेवार, गोविंद शिंदे, वामनराव पाटील वडगांवकर, सदाशिव सातव, सतीश गोपतवाड, प्रवीण कोमावार, मारोती लुमदे, संतोष वानखेडे, प्रतीक ठाकरे, बाळू मेंडके, कलीम भाई, बाबुराव बोड्डेवार, विठ्ठल ऐरनकर, जितू सेवनकर, पापा पार्डीकर, खुद्दूस मौलाना, सुभाष दारवाडे, वैभव डांगे, मुन्नाभाऊ शिंदे, यांच्यासह अनेक मान्यवर उपस्थित होते.
