Agriculture Day organized : 1 जुलै रोजी जिल्हा परिषदेत कृषी दिनाचे आयोजन
नांदेड| माजी मुख्यमंत्री कै. वसंतराव नाईक यांनी कृषिक्षेत्रात केलेल्या भरीव योगदानाबद्दल 1 जुलै हा दिवस त्यांचा वाढदिवस राज्यात कृषिदिन म्हणून साजरा करण्यात येतो. यावर्षी 1 जुलै 2025 रोजी जिल्हा परिषदेच्या कृषि विभागामार्फत कृषिदिन जिल्हा परिषदेच्या मुख्य कार्यकारी अधिकारी मेघना कावली यांच्या अध्यक्षतेखाली कै. यशवंतराव चव्हाण सभागृह, जिल्हा परिषद, नांदेड येथे साजरा करण्यात येणार आहे.
या कार्यक्रमात सेंद्रीय शेती करणाऱ्या शेतकऱ्यांना प्रमाणपत्र वाटप करण्यात येणार आहेत. या कार्यक्रमासाठी जिल्हाधिकारी राहुल कर्डिले, विद्यापीठ शास्त्रज्ञ, जिल्हा परिषदेचे अधिकारी व कर्मचारी, कृषी विभाग महाराष्ट्र शासन, आत्मा नांदेडचे सर्व अधिकारी व कर्मचारी तसेच जिल्ह्यातील राज्य पुरस्कार प्राप्त शेतकरी, शेती क्षेत्रात उल्लेखनिय काम करणारे शेतकरी व महिला, शेंद्रीय शेती करणारे शेतकरी, माध्यम प्रतिनिधी यांची उपस्थिती राहणार आहे, असे जिल्हा परिषदेचे कृषी विकास अधिकारी यांनी कळविले आहे.
प्राणी क्लेश समितीवर काम करण्यास इच्छुक व्यक्तींनी 30 जून पर्यंत अर्ज करण्याचे आवाहन
जिल्हा प्राणी क्लेश प्रतिबंधक समितीमध्ये कार्य करण्यासाठी 4 ते 5 सदस्यांची नेमणूक करावयाची आहे. या समितीत काम करणाऱ्या इच्छुक व्यक्तींनी विहित नमुन्यात जिल्हा पशुसंवर्धन उपआयुक्त, कार्यालय देगलूर नाका, नांदेड या कार्यालयात कार्यालयीन वेळेत उपस्थित राहून 30 जून 2025 पर्यज अर्ज सादर करावेत, असे आवाहन जिल्हा पशुसंवर्धन उपआयुक्त तथा सदस्य सचिव जिल्हास्तरीय प्राणी क्लेश समिती नांदेड यांनी केले आहे.
