Rani Malve elected as Group Development Officer : राणी माळवे यांची गटविकास अधिकारीपदी निवड

माहूर| महाराष्ट्र लोकसेवा आयोगाच्यावतीने घेण्यात आलेल्या स्पर्धा परीक्षेत वर्ग – एक मधील गटविकास अधिकारीपदी राणी गुलाबराव माळवे यांनी परीक्षेत यश मिळविले असून, त्यांच्या या यशाबद्दल सर्वत्र ठिकाणाहून कौतुकाचा वर्षाव होत आहे.

माहूर येथील जगदंबा हायस्कूल येथे एमएसस्सी फिजिक्सचे शिक्षण पूर्ण झाल्यानंतर स्पर्धा परीक्षेकडे वळलेल्या माळवे यांनी नुकत्याच लागलेल्या महाराष्ट्र लोकसेवा आयोगाच्या निकालात गटविकास अधिकारी वर्ग एकसाठी निवड झाली आहे.

अत्यंत प्रतिकूल परिस्थितीत कोणताही क्लास न लावता घरी बसून स्पर्धा परीक्षेची तयारी करून हे यश संपादन केले. तर एवढ्यावर न थांबता आयएएसची तयारी पुढे चालून करणार असून ते देखील स्वप्न आत्मविश्‍वासाने आत्मसात करेल, असा विश्‍वास राणी माळवे यांनी व्यक्त करून दाखविला. तालुक्यातून या यशाबद्दल अभिनंदनाचा वर्षाव होत आहे.