Pradeep naik ; महाविकास आघाडी कडून प्रदीप नाईकांना उमेदवारी घोषित ; फटाक्याची अतिषणाजी करत कार्यकर्त्यांचा जल्लोष -NNL
श्रीक्षेञ माहूर, कार्तिक बेहेरे। विधानसभा निवडणुकीसाठी राष्ट्रवादी काँग्रेस पार्टी शरद पवार गटाकडून जाहीर करण्यात आलेल्या उमेदवारांच्या पहिल्या यादीत प्रदीप नाईक यांचे नाव जाहीर झाल्याने मतदारसंघातील शरद पवार गटाच्या कार्यकर्त्यांनी माहूर येथे फटाके फोडून जल्लोष साजरा केला.
माहूर – किनवट ८३ विधानसभा मतदार संघातून पाचव्यांदा प्रदीप नाईक यांना उमेदवारी जाहीर करण्यात आली आहे.प्रदीप नाईक यांनी सत्तत तीन टर्म अर्थातच १५ वर्ष या मतदार संघाचे प्रतिधित्व केले आहे.पक्षाचे सर्वेसर्वा खा.शरद पवार,प्रदेशाध्यक्ष जयंत पाटील यांनी पुन्हा एकदा मा.आ.प्रदीप नाईक यांच्यावर विश्वास दाखवून त्यांना उमेदवारी बहाल केली आहे. सोमवारी या बाबतची अधिकृत घोषणा होताच माहूर येथील डॉ.बाबासाहेब आंबेडकर चौकात कार्यकर्त्यांनी फटाके फोडून जल्लोष केला.
यावेळी राष्ट्रवादी काँग्रेस पार्टीचे तालुकाध्यक्ष मेघराज जाधव ,नगराध्यक्ष फिरोज दोसानी ,सभापती दत्तराव मोहिते,मनोज कीर्तने ,अमित येवतिकर,भुसारे पाटील, सरपंच गणेश राठोड,सरपच प्रफुल्ल भुसारे, नगर सेवक प्रतिनिधी रफिक सौदागर,इरफान सय्यद, आकाश कांबळे, सुमित खडसे, पवन चव्हाण, विनायकराव देशमुख, गुमान सिह चुंगडे काँग्रेस पक्षाचे नगर सेवक प्रतिनिधी निसार कुरेशी,विक्रम राठोड, महेताब भाई,ऋषी खंदारे,राजू चव्हाण,नवनीत देवपुलवार,शिल्पकार वाठोरे,रतन जाधव, नबी सहाब,यांच्यासह अनेकांची उपस्थिती होती.
