Kinwat assembly elections! ; किनवट विधानसभा निवडणूक लढण्यास कॉंग्रेस पक्ष सज्ज ! – NNL
श्रीक्षेत्र माहूर, राज ठाकूर | विधानसभा निवडणुकीच्या अनुशंगाने किनवट-माहूर तालुका कॉंग्रेस कमिटीची बैठक प्रदेश कॉंग्रेस चे प्रतिनिधी ओबीसी सेल चे प्रदेश सरचिटणीस धनराज राठोड, युवक कॉंग्रेस प्रदेश सरचिटणीस डॉ. निरंजन केशवे, यांच्या मार्गदर्शनात जेष्ठ नेते यादवराव जाधव यांच्या अध्यक्षतेखाली वि.जा.भा.ज. सेल चे प्रदेश सरचिटणीस मोहन राठोड, वि.जा. भ.ज. सेल चे जिल्हाध्यक्ष किसन राठोड, जिल्हा उपाध्यक्ष मंचकराव देशमुख, विश्वनाथ कदम, तालुकाध्यक्ष बाळासाहेब शिऊरकर, युवा नेते कृष्णकुमार राठोड, महिला तालुकाध्यक्ष अनिताताई कदम, युवक कॉंग्रेस तालुकाध्यक्ष अनिल जाधव, शहराध्यक्ष अजीम सय्यद यांच्या प्रमुख उपस्थितीत दि.८ ऑगस्ट रोजी माहूर येथील शासकीय विश्राम गृहात पार पडली.
या बैठकीत आगामी विधानसभा निवडणुकीत किनवट-माहूर विधानसभा मतदार संघ महाविकास आघाडीत कॉंग्रेसच्या वाट्याला घेण्यात यावा असा ठराव मांडण्यात आला. ठरावावर सविस्तर चर्चा करून ठराव सर्वानुमते पास करण्यात आला तसेच दि. ११ रोजी नांदेड येथील बैठकीत प्रदेशाध्यक्ष आ. नाना पटोले यांची भेट घेऊन पक्षश्रेष्ठीकडे साकडे घालण्याचा ठराव मंजूर करण्यात आला. यावेळी कॉंग्रेस पक्षाचे नगर सेवक कविता राजु सौंदळकर, विक्रम राठोड, कृ.उ.बा.स संचालक जयकांत मोरे, सय्यद अली, अहेमद कुरेशी, आदीसह शेकडो कार्यकर्ते उपस्थित होती,
