खुरगावला महिलांच्या श्रामणेर प्रशिक्षण शिबिरास सुरुवात; २८ बौद्ध उपासक, उपासिकांना श्रामणेर दीक्षा

नांदेड| येथील ऋषिपठण बहुउद्देशीय सेवाभावी संस्था संचलित खुरगाव नांदुसा परिसरातील श्रामणेर प्रशिक्षण केंद्रात दसदिवशीय महिलांच्या श्रामणेर प्रशिक्षण शिबीरास प्रारंभ झाला असून अखिल भारतीय भिक्खू संघाचे जिल्हाध्यक्ष तथा धम्मगुरु संघनायक भदंत पंयाबोधी थेरो, श्रीलंकेच्या भिक्खूनी आर्याजी उपलवन्ना तसेच आर्याजी प्रजापती यांनी एकूण २८ बौद्ध उपासक, उपासिकांना श्रामणेर दीक्षा दिली. यात दहा महिलांचा समावेश आहे.

सदरील शिबिर १९ जूनपर्यंत चालणार असल्याची माहिती भदंत पंयाबोधी थेरो यांनी दिली. यावेळी भिक्खू संघासह उपप्राचार्य साहेबराव इंगोले, इंजि. भरतकुमार कानिंदे, विपश्यनाचार्य गौतम भावे, रत्नमाला भावे, माया पाईकराव, प्रा. यशवंत पाईकराव, डॉ. प्रतिक्षा कोल्हे, दिनेश कोल्हे, सिद्धांत इंगोले, अपेक्षा इंगोले, प्रज्ञाधर ढवळे, आप्पाराव नरवाडे, नागोराव नरवाडे आदींची उपस्थिती होती. तालुक्यातील खुरगाव नांदुसा परिसरातील श्रामणेर प्रशिक्षण केंद्रात श्रामणेर प्रशिक्षण शिबीराचे आयोजन करण्यात येते. तसेच या प्रशिक्षण केंद्रात वर्षभर केव्हाही दीक्षा दिली जाते.

श्रीलंकेच्या भिक्खूनी आर्याजी उपलवन्ना आणि आर्याजी प्रजापती यांच्या पुढाकाराने उपासिका ज्योती रोकडे, सावित्री आडकुते, सुरेखा इंगोले, इंदुबाई ढोले, कुसुम धुतराज, मयुरी धुतराज, सह्याद्री गच्चे, अंतरा राऊत, शिला पडघणे, हर्षदा पाईकराव यांना श्रामणेर दीक्षा दिली. तसेच प्रताप वाघमारे, अशोक शेळके, भीमराव इंगोले, हर्षद धुतराज, असंग गच्चे, रतन निवडंगे, रमेश सोनवणे, अविनाश धुतराज, आदर्श गच्चे, रामदास भिसे, विशाल गायकवाड, दर्शन मांजरमकर, प्रेमल गव्हाणे, भीमसेन वाघमारे, महेंद्र मगरे, आदर्श कांबळे, अभिराज हटकर, वैभव थोरात या बालकांनाही भदंत पंयाबोधी थेरो यांनी दीक्षा दिली.