हिमायतनगर| विद्यार्थ्यांनी उच्च शिक्षणाचे ध्येय डोळ्यासमोर ठेऊन अभ्यासाला केंद्रबिंदू मानत उच्च पदवी कशी मिळवता येईल यासाठी प्रयत्न करणे गरजचे आहे. असे प्रतिपादन श्री परमेश्वर मंदिर कमिटीचे उपाध्यक्ष महाविरचंद श्रीश्रीमाळ यांनी केलं.
ते हिमायतनगर येथील भूमिपुत्र तथा सध्या अलिबाग येथे राहणारे डॉ. प्रशांत कुमार जन्नावार यांची कन्या हृतिका प्रशांत जन्नावार हिस LLM मध्ये सुवर्ण पदक प्राप्त झाले. नुकतेच पुणे येथे महामहीम राष्ट्रपती श्रीमती द्रौपदी मुर्मू यांचे हस्ते सुवर्ण पदक देऊन नुकताच सन्मान करण्यात आला होता. त्यानंतर दिनांक २६ रोजी हिमायतनगर येथील श्री परमेश्वर मंदिर ट्रस्ट व आर्य वैश्य समाजच्या वतीने आयोजित अभीष्टचिंतन सोहळ्याच्या मंचावरून बोलत होते. यावेळी मंचावर सत्कार सोहळ्याच्या अध्यक्षस्थानी श्री परमेश्वर मंदिर संस्थानचे उपाध्यक्ष महावीरचंद श्रीश्रीमाळ, सेवानिवृत्त मुख्यध्यापक एन.के. अक्कलवाड सर, आर्य वैश्य समाजाचे श्याम मारुडवार आदींसह अनेकांची उपस्थिती होती.
यावेळी पुढे बोलताना श्रीश्रीमाळ म्हणाले कि, जिद्द, चिकाटी आणि कठीण परिश्रमाने हृतिका प्रशांत जन्नावार हिने LLM परीक्षेत यश मिळविले. राष्ट्रपतींच्या हस्ते गोल्ड मेडल देऊन सन्मान झाला हि बाब हिमायतनगर वासियांसाठी भूषणावह आहे. यापुढे हृतिकाने मिळविलेल्या पदवीचा मान राखत आपण जिथे जन्मलो, जी आपली मायभूमी आहे. तिच्याशी कृतज्ञ होण्यासाठी आपल्या भागातील गोरगरीब लोकांना न्याय मिळवून देण्यावर भर द्यावा अशी अपेक्षाही त्यांनी व्यक्त केली.
यावेळी गजानन तुप्तेवार, राजू बंडेवार, सुधीर उत्तरवार, श्याम रायेवार, प्रमोद तुप्तेवार, रवींद्र दमकोंडवार, अमोल पेन्शनवार, पंकज बंडेवार, राजू तुप्तेवार, भावेश पिंचा, अमोल रायेवार, संगणवार काका, कांचन बंडेवार, अशोक अनगुलवार, संजय माने, आदींसह आर्य वैश्य समाजाच्या महिला पुरुष बांधवानी हृतिकच्या सत्कार सोहळ्यास मोठ्या संख्येने उपस्थिती लावली होती.
