Grand satsang : हिमायतनगर येथे भव्य सत्संग व आध्यात्मिक प्रवचन सोहळ्याचे आयोजन
हिमायतनगर, उत्कर्ष मादसवार| श्री संत सद्गुरू फुलाजी बाबा यांच्या पावन विचारांचा प्रसार व्हावा या उद्देशाने हिमायतनगर येथे गुरुवार, दिनांक ०५ फेब्रुवारी २०२६ रोजी भव्य सत्संग व आध्यात्मिक प्रवचन सोहळ्याचे आयोजन बोरगडी रोडवरील गुरुकुल इंग्लिश स्कुलजवळ असलेल्या धान्य केंद्रानजीक करण्यात आले आहे.
“विश्वामध्ये आपण आहोत, आपल्यामध्ये आत्मा आहे आणि तोच ईश्वर आहे” या विचारसरणीवर आधारित या कार्यक्रमात ध्यान, आत्मज्ञान, करुणा, अहिंसा व मानवकल्याण याविषयी सखोल मार्गदर्शन करण्यात येणार आहे. सद्गुरू फुलाजी बाबांचे विचार मानव जीवनाला योग्य दिशा देणारे असून ध्यानमार्गातून अंतःशांती व आत्मविकास साधता येतो, असा संदेश यावेळी देण्यात येणार आहे.
कार्यक्रमाच्या अनुषंगाने दिनांक ०४ फेब्रुवारी रोजी सकाळी ध्वजारोहण होणार असून हे ध्वजारोहण श्री केशव दादा व श्री वामन दादा फुलाजी इंगळे यांच्या हस्ते संपन्न होणार आहे. तसेच ०४ फेब्रुवारी रोजी रात्री ८ वाजता भजन मंडळाचे कार्यक्रम आयोजित करण्यात आले असून भीशाची वाडी, वडाची वाडी व पिचोंडी येथील भजन मंडळे सहभागी होणार आहेत.
या संपूर्ण कार्यक्रमादरम्यान दिनांक 05 रोजी उपस्थित भाविकांना अमूल्य आध्यात्मिक मार्गदर्शन व प्रवचन होणार असून, कार्यक्रमानंतर महाप्रसादाचे आयोजन करण्यात आले आहे. या पवित्र सत्संग व प्रवचन सोहळ्याचा लाभ भाविकांनी मोठ्या संख्येने घ्यावा, असे आवाहन हिमायतनगर तालुका, जि. नांदेड येथील आयोजकांच्या वतीने करण्यात आले आहे.
