Names of journalists : माहूरच्या नगर पंचायतच्या नोटीसीत पत्रकारांची नावे
श्रीक्षेत्र माहूर| माहूर नगर पंचायतकडून छत्रपती शिवाजी महाराज चौक परिसरातील व्यापाऱ्यांना अतिक्रमण काढण्यासंदर्भात बजावण्यात आलेल्या नोटीसीमुळे शहरात मोठा वाद निर्माण झाला असून, या नोटीसीमध्ये स्थानिक पत्रकार व वृत्तपत्रांची नावे वापरण्यात आल्याचा गंभीर आरोप करण्यात आला आहे. या प्रकारामुळे पत्रकारांची सामाजिक व व्यावसायिक बदनामी झाल्याचा तसेच व्यापाऱ्यांकडून प्रत्यक्ष व अप्रत्यक्ष धमक्या मिळत असल्याचा दावा करण्यात आला आहे.
या प्रकरणी पत्रकार विजय आमले व इलियास बावाणी यांनी माहूर पोलीस ठाण्यात नगर पंचायतचे मुख्याधिकारी व नगर अभियंता यांच्याविरोधात लेखी तक्रार दाखल केली आहे. तक्रारीनुसार, नगर पंचायत माहूरने शहरातील व्यापाऱ्यांना दिलेल्या अतिक्रमणविषयक नोटीसीमध्ये पत्रकारांची व त्यांच्या वृत्तपत्रांची नावे नमूद करण्यात आली. त्यामुळे व्यापाऱ्यांमध्ये गैरसमज निर्माण होऊन त्याचा थेट फटका संबं...
