हदगाव (प्रतिनिधी) पळसा येथील भूमिपुत्र भारतीय सैनिक बापुराव शंकरराव कदम यांनी देशाची निष्ठेने सेवा करून सेवानीवृत्ती स्वीकारल्याने त्यांच्या गावी आगमनानिमित्त भव्य सत्कार समारंभाचे आयोजन करण्यात आले होते. यावेळी गावकऱ्यांसह आमदार बाबुराव कदम कोहळीकर व विविध क्षेत्रातील मान्यवरांनी उपस्थित राहून त्यांचा गौरव करत पुढील आयुष्यासाठी शुभेच्छा दिल्या.
या सत्कारप्रसंगी भारतीय सैनिक विनोद मस्के व शैलेंद्र निमडगे, आमदार बाबुराव कदम कोहळीकर, माजी जिल्हा परिषद सदस्य संभाजीराव लांडगे (मामा), युवासेना जिल्हाप्रमुख संदेश पाटील हाडसनीकर, बबनराव कदम, सरपंच प्रतिनिधी प्रभाकर धाडेराव, माजी सरपंच रजित कांबळे, माजी ग्रामपंचायत सदस्य दिपकराव पाटील, ग्रामपंचायत सदस्य कामाजीराव निमडगे, शिवसेना सर्कल प्रमुख गजानन अनंतवार, आधार प्रतिष्ठान अध्यक्ष निवृत्ती मामा वानखेडे, कुबेरराव राठोड, शिक्षक वंसतराव मस्के, सामाजिक कार्यकर्त्या सविताताई निमडगे पळसेकर यांच्यासह मित्रमंडळी व ग्रामस्थ मोठ्या संख्येने उपस्थित होते.
देशसेवेसाठी दिलेले योगदान अतुलनीय असून बापुराव कदम हे तरुण पिढीसाठी प्रेरणास्थान असल्याचे मत यावेळी उपस्थित मान्यवरांनी व्यक्त केले. शाल, श्रीफळ व पुष्पहार देऊन त्यांचा सन्मान करण्यात आला.
कार्यक्रमास उपस्थित राहून देशासाठी सेवा करणाऱ्या सैनिकांप्रती कृतज्ञता व्यक्त करणे हे प्रत्येक नागरिकाचे कर्तव्य असल्याचे मत ग्रामस्थांनी व्यक्त केले. पळसा गावासाठी हा गौरवाचा क्षण असल्याची भावना सर्वत्र व्यक्त होत होती.
