हिमायतनगर। हिमायतनगर येथील प्रगतिशील शेतकरी गजानन प्रकाशराव तूपतेवार यांनी आपल्या शेतीत ड्रॅगन फ्रुट चे उत्पादन घेऊन शेती क्षेत्रात भरारी घेतली आहे. या माध्यमातून त्यांनी आतापर्यंत मोठ्या प्रमाणात उत्पन्न काढले असून, त्यांच्या या शेतीनिष्ठ कार्याचे दखल घेऊन जिल्हाधिकारी यांच्या हस्ते त्यांचा पुरस्कार देऊन सन्मान करण्यात आला आहे.
नांदेड जिल्ह्यातील हिमायतनगर येथील प्रगतिशील शेतकरी तथा भारतीय जनता पार्टीचे जिल्हा सरचीटनिस गजानन तुप्तेवार हे कृषी व्यापार क्षेत्रात साक्रीय आहेत, त्याच बरोबर ते स्वतः आणि मुलांच्या माध्यमातून शेती करतात, शेतीला जोडधंदा म्हणून त्यांनी मागील काही वर्षपासून शेतीत ड्रॅगन फ्रुट ची लागवड केली, आत्तापर्यंत त्यांनी भरघोस उत्पादन घेतले.
त्यांना नुकतेच जिल्हाधिकारी राहुल कर्डीले, पोलीस अधिक्षक अविनाशकुमार, दत्तकुमार कळसाईत जिल्हा कृषी अधिक्षक ह्यांच्या उपस्थितीत जिल्ह्यातील उत्कृष्ट प्रगतीशील शेतकरी म्हणून महाराष्ट्र शासनाच्या जिल्हा कृषी व धान्य महोत्सव 2025 चा पुरस्कार देऊन सन्मानित करण्यात आल आहे. त्यांचा उत्कृष्ट शेतकरी म्हणून गौरव करण्यात आल्याबद्दल सर्व स्तरातून तृपतेवार यांचे अभिनंदन केले जात आहे.
