Ifrar parti : कंधार येथे आमदार चिखलीकर यांच्या इफ्तार पार्टीतून हिंदू–मुस्लिम ऐैक्याचा संदेश!
कंधार (सचिन मोरे) लोहा – कंधार विधानसभा मतदार संघांचे आमदार प्रतापराव पाटील चिखलीकर यांच्या वतीने दरवर्षीप्रमाणे यंदाही इफ्तार पार्टीचे आयोजन करण्यात आले होते. या कार्यक्रमाला हिंदू–मुस्लिम बांधवांनी मोठ्या संख्येने उपस्थित राहून सामाजिक ऐैक्याचा आणि बंधुभावाचा सुंदर संदेश या कार्यक्रमातून दिला.
रमजान महिन्याच्या पवित्र वातावरणात आयोजित या इफ्तार कार्यक्रमात हिंदू,मुस्लिम,बौद्ध व सर्व जाती धर्मातील नागरिकांनी एकत्र येत रोजा सोडण्याच्या विधीत सहभागी होत परस्परांमध्ये स्नेह व आपुलकी वाढवली. हिंदू आणि मुस्लिम समाजातील नागरिकांनी एकत्र येऊन संवाद साधत एकात्मतेचे दर्शन यावेळी घडवले.
कंधार शहरात अनेक वर्षांपासून हिंदू–मुस्लिम बांधव एकमेकांचे सण उत्साहाने साजरे करतात. रमजानमधील इफ्तार असो, गणेशोत्सव असो किंवा इतर धार्मिक सण असोत – सर्वजण एकमेकांच्या आनंदात सहभागी होतात. ही परंपरा ऐतिहासिक कंधारच्या सामाजिक सलोख्याचे आणि बंधुभावाचे प्रतीक आहे.
कंधार येथील हजरत हाजी सय्या सरवरे मगदूम रहेमतुल्ला बडी दर्गा येथे रविवार 8 मार्च रोजी सायंकाळी आयोजित कार्यक्रमात कंधार लोह्याचे आमदार प्रतापराव पाटील चिखलीकर, उपविभागीय अधिकारी विलास नरवटे, माजी जिल्हा परिषद सदस्य प्रवीण पाटील चिखलीकर, उपनगराध्यक्ष मन्नान चौधरी,माजी नगराध्यक्ष तथा नगरसेवक मोहम्मद जफररोद्दीन, माजी उपनगराध्यक्ष जफरउल्ला खान, नगरसेवक स्वप्नील पाटील लुंगारे, सा. बां. चे उपअभियंता सुमित पाटील, पाणीपुरवठाचे उप अभियंता बनसोडे, जी .प.चे उप अभियंता बसवदे,माजी नगरसेवक शेख मन्नू,
नगरसेवक समीर चाऊस, मधुकर डांगे, नगरसेवक प्रतिनिधी शेख मझर, नगरसेवक प्रतिनिधी चेतन केंद्रे, माजी पोलीस पाटील मोहम्मद काजीमुद्दीन, नगरसेवक प्रतिनिधी कैलास कांबळे, शेख शेरू, महिंद्र कांबळे, मिर्झा सिकंदर बेग, मोहम्मद जफर, यांच्यासह शहरातील विविध क्षेत्रातील मान्यवर, सामाजिक कार्यकर्ते तसेच नागरिक मोठ्या संख्येने उपस्थित होते.
हा कार्यक्रम यशस्वी करण्यासाठी आमदार चिखलीकर समर्थक कार्यकर्त्यांनी विशेष परीश्रम घेतले. यावेळी कार्यकर्त्याच्यावतीने आमदार प्रतापराव पाटील चिखलीकर व उपस्थित मान्यवरांचा दस्ती,टोपी घालून विशेष सत्कार करण्यात आला.
