उस्माननगर, माणिक भिसे। मारतळा येथुन गोळेगावकडे मोटार सायकलवर येणा-या इसमास गोळेगाव फाटा येथे छापा टाकून चौकशी केली आसता अवैधरित्या गुटखा वहातूक करीत असल्याचे निदर्शनास आल्याने दाताळा येथील संतोष बोरलेपवार याच्या ताब्यातील मोटार सायकलवरील गुटखा व मोटार सायकलसह ७२, ३०० रू.मुद्देमाल उस्माननगर पोलीसांनी गुप्त बातमीदार यांच्या माहितीवरून अवैध गुटखा वाहतूक करणाऱ्या इसमास ताब्यात घेऊन संबंधित इसमावर कारवाई करण्यात आली आहे .
अबिनाश कुमार, पोलीस अधीक्षक नांदेड यांनी ऑपरेशन फ्लश आऊट अंतर्गत सर्व पोलीस स्टेशन प्रभारी अधिकारी यांना अवैध व्यवसाय करणारे लोकांवरती कार्यावाही करण्या बाबत आदेशीत केले होते. त्याअनुषंगाने एम. डी. मुळीक सहायक पोलीस निरीक्षक पो.स्टे. उस्माननगर व सोबतचे अंमलदार असे पोलीस स्टेशन हद्दीत अवैध धंद्याची माहिती घेवुन अवैध धंद्यावर केसेस करणे कामी रवाना झाले. दरम्यान मौजे गोळेगाव फाटा येथे गुप्त बातमीदार यांचेकडुन माहिती मिळाली की, मौजे मारतळा येथुन गोळेगावकडे मोटर सायकलवर एक इसम हा महाराष्ट्र शासनाने निर्बंध केलेला अन्न पदार्थाचा सांठा विक्री करीता घेवुन जात आहे.
अश्या माहितीवरून दि.१७ मे २०२५ रोजी १४.४५ वाजण्याचे सुमारास मौजे गोळेगाव फाटा येथे छापा कार्यवाही केली असता मोटर सायकल क्रमांक MH २६-BJ- २३३१ वर इसम नामे संतोष श्रीकांत उर्फ सुर्यकांत बोरलेपवार रा. दाताळा ता. कंधार जि. नांदेड हा त्याचे ताब्यात महाराष्ट्र शासनाने निबंध केलेला गुटखा 1) AAA गुटखा ६०पॉकेट प्रत्येकी किमती १६०/- रू. एकुण किमती ९६००/- रू. २) राजनिवास सुगंधित पानमसाला ५० पॉकेट प्रत्येकी किमती २०४/- रू. एकुण किमती १०२००/- रू., ३) ZL-१ जाफराणी जर्दा५० पॉकेट प्रत्येकी किमती ५०/- रू. एकुण किमती२५०० /- रू., ४) मोटार सायकल पेंशन प्रो जुनी वापरती किमती ५०,०००/- रूपयाची असा एकुण ७२, ३००/- रु मुद्देमाल अवैध रित्या मोटर सायकलवर वाहतुक करून विक्री करण्या करीता बाळगलेला मिळुन आला.
त्यावरून आरोपी नामे संतोष श्रीकांत उर्फ सुर्यकांत बोरलेपवार रा. दाताळा ता. कंधार जि. नांदेड याचेविरूध्द पो.स्टे. उस्माननगर गुरन १०५/२०२५ कलम २६(२), २७ , ३०(२) (अ), ५९ (IV) अन्न सुरक्षा ,BNS अन्वये गुन्हा दाखल करण्यात आला असुन सदर गुन्हयाचा तपास पोलीस उप निरीक्षक गजानन गाडेकर पो. स्टे. उस्माननगर हे करीत अशी उत्कृष्ट कामगिरी केल्याबद्दल मा. पोलीस अधीक्षक नांदेड यांनी पोलीस अधिकारी व अंमलदार यांचे कौतुक केले आहे.
