Smagling : आदिलाबाद परळी पॅसेंजर रेल्वेमध्ये कट साइज सागवान पकडले
किनवट, परमेश्वर पेशवे| आदिलाबाद परळी रेल्वे पॅसेंजर मधून अवैधरित्या सागवान लाकडाची वाहतूक करत असल्याची गुप्त माहिती वनविभागाला मिळाल्यावरून दि .19 रोजी पहाटे 4.15 वाजेच्या दरम्यान किनवट रेल्वे स्थानक परिसरात वन विभागाचे कर्मचारी तपासणी करीत असताना त्यांना बघून तस्करांनी सागवानाचे आठ नग टाकून पोबारा केला .
अदिलाबाद परळी पॅसेंजर गाडीने सागवान लाकडाची वाहतूक होत असल्याचे गुप्त सूचना वन विभागाला प्राप्त होताच उपवनसंरक्षक केशव वाबळे, सहाय्यक वनसंरक्षक जी डी गिरी ,वनपरिक्षेत्र अधिकारी प्रादेशिक किनवट पी एल राठोड यांच्या मार्गदर्शनाखाली वनपाल किनवट संजय कोम्पलवार, वनपाल चिखली (बु)बी टी. जाधव, वनरक्षक बालाजी झंपलवाड, रवी बाबुराव दांडेगावकर व वाहन चालक बाळकृष्ण आवले यांचा पथकाने किनवट रेल्वे स्थानक परिसरात तपासणी केली.
तपास करीत असताना अंधाराचा फायदा घेऊन सागवान तस्करांनी सागवानाचे आठ नग स्थानक परिसरात फेकून पोबारा केला . कार्यवाहीत घटनास्थळावरून सागवानाचे आठ कट साइज नग अंदाजीत किंमत पंधरा हजार रुपयांचा माल वन विभागाने जप्त केला असून वन गुन्हा दाखल करण्यात आला आहे .
