लोहा| तालुक्यातील सोनखेड व शेवडी मंडळात अतिवृष्टी झाली .नदी नाले ओढे तुडुंब भरून वाहिले. गोदाकाठ च्या भागात शेकडो एकर पीक पाण्याखाली गेले .सोनखेड सर्कल मध्ये आमदार मोहन अण्णा हंबर्डे यांनी पाहणी केली शेतकऱ्यांसोबत संवाद साधला.सर्व पिकांचे तात्काळ पंचनामे करावेत व शेतकऱ्यांना मदत घ्यावी अशी मागणी त्यांनी जिल्हाधिकारी यांच्याकडे केली.
जिल्ह्यासह लोहा तालुक्यात अतिवृष्टी झाल्याने शेतीचे मोठे नुकसान झाले. आमदार मोहन अण्णा हंबर्डे यांनी सोनखेड सर्कल मधील पळशी, शेवडी शेवडी तांडा, व शिवणी (जा) या गावांना भेटी दिल्या .प्रत्यक्ष बांधावर ,शेतात जाऊन त्यांनी अतिवृष्टीमुळे झालेल्या नुकसानग्रस्त शेतीची, भागाची पाहणी केली. शेतकऱ्यांनाधीर दिला. घाबरू नका, नुकसान भरपाई मिळावी यासाठी रस्त्यावर उतरून आंदोलन करू असे आश्वासित केल.
शेतीतील पिकांचे नुकसान भरपाई शासनाकडून व विमा कंपनी कडून देण्याची हमी त्यांनी शेतकऱ्यांना दिली. यावेळी सोनखेड सर्कलचे माजी जि प सदस्य श्रीनिवास मोरे, कैलास मोरे,रामदास जमगे,लक्ष्मण चव्हाण,विलास चव्हाण,शेवडीचे उपसरपंच व फकिरसाब शेख,पळशी सरपंच नामदेव कोल्हे,साईनाथ कोल्हे,गोविंदराव शिंदे,परसराम कोल्हे व नवनाथ वरळे उपस्थित होते.
