हदगाव, गौतम वाठोरे l वंचित बहुजन आघाडीने स्थानिक स्वराज्य निवडणुकांच्या पार्श्वभूमीवर पक्ष संघटन अधिक बळकट करण्यासाठी कार्यकारणीमध्ये फेरबदल केला आहे. यामध्ये हदगाव येथील राजकारणी डावपेच माहीत असलेले वंचित बहुजन आघाडीचे जिल्हा उपाध्यक्ष राम नरवाडे कामारीकर यांची नगर हदगाव हिमायतनगर समन्वयक विधानसभा पदी नांदेड जिल्हा अध्यक्ष (उत्तर) राजेश्वर हत्तीअंबिरे पालमकर यांनी निवड केली आहे.
राम नरवाडे यांनी वंचित बहुजन आघाडी ची तालुका अध्यक्ष ची जबाबदारी पार पाडली त्यांच्याच कार्य काळामध्ये विधानसभा व लोकसभा ही निवडणूक पार पडली तेव्हा त्यांनी सूक्ष्म नियोजन लावून वंचित बहुजन आघाडीला नंबर दोनची मते मिळवली त्यांचे नियोजन अचूक नेम व शिस्तबद्ध वागणुकीमुळे विरोधकांना सळो की पळो करून सोडतात हदगाव शहरामध्ये सर्वांनाच माहित असणारे व्यक्तिमत्व चाणक्य म्हणून ओळखले जातात अनेक वर्षापासून राजकारणामध्ये सक्रिय असून तालुक्याचा राजकारणामधील मास्टर माईंड म्हणून त्यांना ओळखले जाते. गेल्या लोकसभेमध्ये व विधानसभेमध्ये त्यांनी चांगल्या प्रकारे राजकारणी खेळी खेळल्यामुळे वंचित बहुजन आघाडी मध्ये अनेक दिग्गजानी प्रवेश केला आता स्थानिक स्वराज्य निवडणुकांच्या पार्श्वभूमीवर पक्ष संघटन अधिक बळकट करण्यासाठी आणि पारदर्शक निवड प्रक्रिया सबविण्यासाठी राम नरवाडे यांना निवडणूक समन्वयक म्हणून नियुक्त करण्यात आली आहे.
हदगाव हिमायतनगर या कार्यक्षेत्रात नगरपरिषद, नगरपंचायत, महानगरपालिका, जिल्हा परिषद व पंचायत समिती निवडणुकांमध्ये पक्ष बांधणी, प्रचार नियोजन, योग्य उमेदवार निवड प्रक्रिया आणि पक्ष उमेदवारांना विजयी करण्यासाठी समन्वय साधणे ही जबाबदारी महत्त्वाची ठरणार आहे. त्यामुळे एक अनुभवी व राजकारणातील सर्वच हातखंडे माहित असलेला कर्तुत्वान नेतृत्वावर विश्वास ठेवून हदगाव हिमायतनगर विधानसभा समन्वयक पदी राम नरवाडे यांची निवड झाल्याबद्दल सर्व स्तरातून अभिनंदन होत आहे.
वंचित बहुजन आघाडीचे राष्ट्रीय अध्यक्ष श्रद्धेये बाळासाहेब आंबेडकर वंचित बहुजन आघाडीचे नांदेड जिल्हा अध्यक्ष राजेश्वर हत्ती आंबिरे पालमकर यांनी माझ्यावर जो विश्वास दाखविला त्या विश्वासाला कधीही मी तडा जाऊ देणार नाही — राम नरवाडे कामारीकर.
