Muharram celebrations : उस्माननगर परिसरात रिमझिम पावसात मोहरम उत्साहात महीला पुरुषांची गर्दी
उस्माननगर, माणिक भिसे| मागील अनेक वर्षापासून साजरा करण्यात येत असलेला मोहरम सण उस्माननगर परिसरात ६ जुलै २०२५ रोजी पारंपारिक पद्धतीने हालकि व ढोल ताशाच्या निनादत आणि वरूण राजाच्या रिमझिम पावसात धुला खेळत मोहरम (Muharram celebrations in Usmannagar area amid drizzle) सण शांततेत साजरा करण्यात आला मोहरम मिरवणुकीत मुस्लिम हिंदू बांधवांचा मोठ्या संख्येने सहभाग होता.
पैगंबर हजरत मोहम्मद साहेबांचे नातू हजरत इमाम हुसेन यांनी मोहरमच्या दहा तारखेला जुलमी अत्याचारी जयीदच्या अन्याय विरोधात लढताना होत्यात्म्य .पत्करले होते. या दिवसाच्या स्मरणार्थ मोहरम सण साजरा करण्यात येतो. उस्मान नगर सह परिसरातील अनेक गावात मोहरम पारंपारिक आगळ्या वेगळ्या पद्धतीने साजरा करण्याची परंपरा आहे. एक मोहरम ते दहा मोहरम या कालावधीत शहीद करबला हजरत इमाम हुसेन यांच्या स्मरणार्थ सवारी बसविली जातात दहा दिवस चालणाऱ्या मोहरम समारंभात इतर धर्म बांधवांचा सहभाग असतो.
उस्माननगर परिसरातील अनेक गावात सवारी बसविल्या जातात. उस्माननगर येथे मौलाली ही सवारी पाचव्या दिवशी मध्यरात्री उठवली जाते. गावातील प्रमुख मार्गाने मिरवणूक काढुण पहाटे तीनच्या सुमाराला माळावर जाते. ही मिरवणूक पाहण्यासाठी सुध्दा नागरिक मोठ्या संख्येने उपस्थित असतात. उस्माननगर परिसरात मोहरम बसविण्याची ही परंपरा आजही सुरू आहे. सहा जुलै 2025 रोजी विविध ठिकाणी मोहरम निमित्त मिरवणूक काढण्यात आल्या होत्या. चारच्या दरम्यान वरूणराजाने रिमझिम पाऊस पाडला. तरी नागरिक धुला खेळण्यात दंग होते. त्याच दिवशी सकाळी ” अशुरा ” ही विशेष नमाज करण्यात आली.
यावेळी मुस्लिम बांधवांना शहीदे कर्बला हजरत हुसेन यांच्या कार्य व बलिदानाविषयी माहिती देण्यात आली. दुपारी ढोल ताशा व हालकीच्या गजरात बडे नालसाब , कासीमधुला या सवारीची मिरवणूक काढण्यात आली. परिसर आवाजाने घुमत होता मोहरमची पारंपरिक मिरवणूक पाहण्यास महिला पुरुष सहल गोपाळ यांनी गर्दी केली होती.. कुठे ही अनुचित प्रकार घडू नये म्हणून उस्माननगर पोलिस स्टेशन चे सपोनि संजय निलपत्रेवार , सपोउपनि , गाडेकर, सुर्यवंशी यांच्या मार्गदर्शनाखाली जमदार कुबडे व पोलीस कर्मचारी, होमगार्ड यांचा बंदोबस्त ठेवण्यात आला होता.
