नांदेड| ज्या शेतक-यांकडे चार ते पाच पेक्षा जास्त पशुधन असणा-या पशुपालकांना अनुदानावर गोबरगॅस योजनेचा लाभ देण्यात येणार आहे, अशी माहिती नांदेड जिल्हा परिषदेच्या मुख्य कार्यकारी अधिकारी तथा प्रशासक मिनल करनवाल यांनी दिली आहे.
एन.डी.डी.बी मृदा मार्फत ही योजना जिल्हयात राबविण्यात येणार असून केंद्र शासनाच्या वतीने एस.सी., एस.टी. व सामान्य वर्ग ओबीसाठी संवर्गातील शेतक-यांना अनुदान देण्यात येणार आहे. 2, 4, 6 व 8 क्यूबिक मीटर गॅस क्षमतेचे असणारे प्लांट शेतक-यांसाठी देण्यात येणार आहेत. यासाठी शेतक-यांकडे गुरे असणे आवश्यक आहे.
योजनेचा लाभ घेण्यासाठी शेतक-यांनी आपल्या जवळच्या पशुवैद्यकीय दवाखान्यात अर्ज सादर करावेत. अर्जासोबत जातीचे प्रमाणपत्र, आधार कार्ड व बॅक पासबुकची सत्यप्रत जोडावी. गोबरगॅस संयंत्रामुळे शेतकऱ्यांना इंधन खर्चात बचत होईल, जैविक खताचा वापर वाढेल तसेच महिलांना स्वयंपाकासाठी लाकूड गोळा करण्याचा त्रास कमी होईल. तरी शेतक-यांनी गोबरगॅस योजनेसाठी अर्ज सादर करावेत, असे आवाहन जिल्हा परिषदेच्या मुख्य कार्यकारी अधिकारी मीनल करनवाल यांनी केले आहे.
गोबरगॅस प्लांट, क्षमता व त्यानुसार देण्यात येणारे अनुदान
गॅस क्षमता (क्यूबिक) | दररोज शेण पुरवठा (कि.ग्रा.) | गुरांची संख्या | एकुण आवश्यक जागा (फूट) लांबी X रुंदी | दररोज स्लरी उत्पादन (लिटर) | केंद्रीय अनुदान राशी (रु) | लोकासाठी पुरेसा गॅस | |
समान्य वर्ग- OBC | SC/ST | ||||||
2 | 45-50 | 3-4 | 10 X 12 | 80–90 | 14350 | 22000 | 6–8 |
4 | 90-100 | 6-8 | 10 X 15 | 170–180 | 14350 | 22000 | 9–12 |
6 | 130-150 | 9-12 | 12 X 20 | 240–360 | 22750 | 29250 | 12–16 |
8 | 180-200 | 12-16 | 12 X 25 | 340–360 | 23000 | 34500 | 18–24 |