सागवानाची तस्करी करणारी कार किनवट वन विभागाच्या ताब्यात सागवान तस्कर मात्र फरार -NNL
किनवट,परमेश्वर पेशवे। दिनांक 15 /06/ 2024 रोजी किनवट – गोकुंदा रोडवर किनवट वन विभागाची कर्मचारीगस्त करत असतांना पांढऱ्या रंगाची टाटा इंडिका कार मध्ये सागवानाची तस्करी होत असल्याची माहिती गुप्त खबऱ्याच्या माध्यमातून वन विभागाच्या कर्मचाऱ्याला मिळाल्याने वाहनाचा पाठलाग करून पकडण्याचा प्रयत्न केला.
पण सागवान तस्कर नेहमीप्रमाणे अंधाराचा फायदा घेऊन पसार होण्यात यशस्वी झाले व वाहन सोडून आरोपी पळून गेले . सदरील सागवान तस्करी प्रकरणी टाटा इंडिका कार जवळ जाऊन तपासणी केली असता त्यामध्ये अवैधसागी कटसाईज नग -21 आढळून आले. आज्ञात आरोपी विरुद्ध वन कायद्याअंतर्गत किनवट वन विभागाने गुन्हा दाखल केला .
या कार्यवाहीत उपवनसंरक्षक नांदेड केशव वाबळे, सहाय्यक वनसंरक्षक जी. डी.गिरी वनपरिक्षेत्र अधिकारी प्रा.किनवट पी. एल.राठोड यांच्या मार्गद्शनाखाली वनपरिमंडळ अधिकारी चिखली एम.एन.कतुलवार , एस. एम. कोम्पलवार , एस. एम. यादव वनरक्षक अनिल फोले , बी. एस. झंपलवाड ओ. एन. शिंदे, व्ही एस मुळे तसेच कर्तव्यदक्ष वाहन चालक बाळकृष्ण आवले शेख नूर यांचा या कार्यवाहीत सक्रिय सहभाग होता. या कारवाईत एकूण 44 हजार रुपयांचा मुद्देमाल जप्त करण्यात आला असल्याची माहिती वन विभागाकडून मिळाली.
