Prasad Lokhande of Nanded planted the flag of Maharashtra | नांदेडच्या प्रसाद लोखंडे यांने महाराष्ट्राचा झेंडा रोवला -NNL
नांदेड| आयआयटी दिल्ली तर्फे आयोजित DD ROBOCON 2024 प्रदर्शनाचे आयोजन करण्यात आले होते. या प्रदर्शनात पिंपरी चिंचवड कॉलेज ऑफ इंजीनियरिंग, पुणे महाराष्ट्र राज्य येथील विद्यार्थ्यांनी उत्कृष्ट कामगिरी बजावत भारत देशातुन दुसरा क्रमांक पटकावून महाराष्ट्र राज्याच्या शिरपेचात मानाचा तुरा रोवला आहे.
दिनांक 13 व 14 जुलै 2024 रोजी त्यागराज स्टेडियम दिल्ली येथे आयोजित केलेल्या या प्रदर्शनात भारत देशातून विविध राज्यातून 46 कॉलेजनी सहभाग घेतला होता. सदर प्रदर्शनात महाराष्ट्र राज्यातून पिंपरी चिंचवड कॉलेज ऑफ इंजिनियरींग पुणे या महाविद्यालयाने उत्कृष्ट कामगिरी करुन भारत देशातून दुसरा क्रमांक पटकाविला आहे.
ही महाराष्ट्र राज्यासाठी अभिमानाची गोष्ट असून सदर महाविद्यालयाच्या टिममध्ये श्रीमती सुषमा लक्ष्मीकांत लोखंडे – दस्तूरकर यांचा सुपुत्र प्रसाद लक्ष्मीकांत लोखंडे याने स्वतः तयार केलेल्या कीपॅड कोड – कम्प्युटर प्रोग्राम वर कमांड ठेवत प्रेझेंटेशन मध्ये यशस्वी कामगिरी बजावली ही नांदेडसाठी भूषणावह बाब आहे.
गुरुजन वर्गाचे योग्य मार्गदर्शन तसेच माझ्या टिममधील सर्व सहकारी मित्रांचे अथक परिश्रम यामुळे आम्ही यश संपादित करु शकलो असल्याचे सांगून भविष्यात आमच्या सर्व टिमचे भारत देशासाठी या माध्यमातून भरपूर योगदान देण्याचा मानस असल्याचे प्रतिनिधीशी झालेल्या संवादात प्रसाद सुषमा-लक्ष्मीकांत लोखंडे यांनी विचार व्यक्त केले.
