श्रीक्षेत्र माहूर राज ठाकूर| “यात्रा व्यवस्थापन राजशिष्टाचार मुख्याधिकारी गौन खनिज पथक प्रमुख म्हणून अति उत्कृष्ट कामगिरी केल्याने नांदेड येथे महसूल दिनी विशेष पोलीस महानिरीक्षक जिल्हाधिकारी यांच्या हस्ते नायब तहसीलदार तथा मुख्याधिकारी डॉ राजकुमार राठोड यांचा सन्मान” गेल्या अडीच वर्षापासून माहूर तहसीलचे नायब तहसीलदार व माहूर नगरपंचायत चे मुख्याधिकारी म्हणून प्रत्येक कामात शंभर टक्के पात्र ठरलेले डॉ. राजकुमार राठोड यांचा दि ८ ऑगस्ट रोजी नांदेड येथील सन्मान महसूल कर्मचाऱ्यांचा या कार्यक्रमात महसूल दिनी विशेष पोलीस महानिरीक्षक शहाजी उमाप , जिल्हाधिकारी अभिजीत राऊत यांचे सह मान्यवरांच्या हस्ते डॉ. राजकुमार राठोड यांचा सन्मान करण्यात आल्याने तालुक्यातील अधिकारी कर्मचाऱ्यासह जनतेतून त्यांचे अभिनंदन होत आहे.
दि.८ रोजी महसूल दिननिमित्त नांदेड येथे झालेल्या भव्य कार्यक्रमात उद्घाटक म्हणून विशेष पोलीस महानिरीक्षक शहाजी उमाप तर अध्यक्ष म्हणून जिल्हाधिकारी अभिजीत राऊत तसेच प्रमुख उपस्थितात मुख्य कार्यकारी अधिकारी मिनल करणवाल जिल्हा पोलीस अधीक्षक श्रीकृष्ण कोकाटे नांदेड महानगरपालिकेचे आयुक्त डॉ. महेश कुमार डोईफोडे अप्पर जिल्हाधिकारी पी. एस. बोरगावकर सहाय्यक जिल्हाधिकारी श्रीमती मेघना कावली परीक्षाधिन जिल्हाधिकारी श्रीमती अनुष्का शर्मा निवासी उपजिल्हाधिकारी महेश वडदकर यांचे सह मान्यवरांचे उपस्थितीत अनेक अधिकारी कर्मचाऱ्यांचा सन्मान करण्यात आला यामध्ये तिसऱ्या क्रमांकावर नांदेड जिल्ह्यातील महसूल संवर्गातून अति उत्कृष्ट कामगिरी बजावलेले माहूरचे नायब तहसीलदार तथा नगरपंचायत चे मुख्याधिकारी डॉ. राजकुमार राठोड यांचा सन्मान करण्यात आला.पुरस्कार मिळाल्याने माहूर तालुक्यातील अधिकारी कर्मचारी आणि नागरिकांतून त्यांचे अभिनंदन होत आहे
