नांदेड

नांदेड| २१ जून हा जागतिक योगा दिन आहे. यानिमित्त भारतातून उगम पावलेल्या योगाचे जगभरात सादरीकरण होत असते. फक्त योगा दिनानिमित्त योगा करून आरोग्यामध्ये काही फरक पडणार नाही तर त्यासाठी नियमितपणे योगा करणे आवश्यक आहे. तरच निरोगी आयुष्य जगता येईल. म्हणून योगामध्ये सातत्य म्हणजेच ठणठणीत आयुष्य होय. असे मत विद्यापीठाचे कुलगुरू डॉ. मनोहर चासकर यांनी व्यक्त केले. ते आज दि. २१ जून रोजी जागतिक योगा दिनाच्या निमित्ताने विद्यापीठाच्या इनडोअर हॉलमध्ये आयोजित शिबिरास मार्गदर्शन प्रसंगी मत मांडत होते. याप्रसंगी महाराष्ट्रीय मंडळ सीएसीपीई चे आंतरराष्ट्रीय ख्यातीचे योग प्रशिक्षक डॉ. पल्लवी कव्हाने या उपस्थितांना योगाचे धडे देत होत्या. योगा दिनाच्या पूर्वसंध्येस डॉ. पल्लवी यांचे ‘अथ योगानुशासनम: जीवन जगण्याची कला’ या विषयावर व्याख्यान आयोजित करण्यात आले होते. त्याप्रसंगी डॉ. पल्लवी म्हणाल्या मानवी जीवनामध...