लवकरच हिमायतनगर रेल्वे स्थानकाचा कायापालट होऊन अत्याधुनिक सुविधा मिळणार – डी.आर.एम. नीती सरकार -NNL
हिमायतनगर,अनिल मादसवार। मुदखेड आदीलाबाद या ब्रॉडगेज रेल्वे लाईनवर असलेल्या हिमायतनगर रेल्वे स्थानकाला आज दि 22 रोजी नांदेड रेल्वे डिव्हिजनच्या विभागीय व्यवस्थापक श्रीमती नीती सरकार यांनी भेट दिली. यावेळी त्यांनी हिमायतनगर रेल्वे स्थानकाच्या कामकाजाची पहाणी केली असून, संबंधित अधिकाऱ्याला योग्य त्या सूचना दिल्या आहेत. यावेळी त्या म्हणाल्या की हिमायतनगर रेल्वे स्थानकाच्या नाविनिकरणाचे काम सुरू असून, प्रधानमंत्री नरेंद्र मोदी यांनी उपलब्ध करून दिलेल्या निधीतून कायापालट केला जात आहे, आगामी काळात हिमायतनगर रेल्वे स्थानकावर प्रवाशांना अत्याधुनिक सुविधा उपलब्ध करून देण्यात येणार असल्याचे त्यांनी सांगितले. यावेळी त्यांच्यासोबत रेल्वेचे अप्पर प्रबंधक राजेंद्र कुमार मीना यांच्यासह विविध विभागाचे अधिकारी, कर्मचारी, रेल्वे पोलीस मोठया संख्येने उपस्थित होते.
हिमायतनगर हे शहर तेलंगणा आणि विदर्भाच्या स...
