धार्मिक -

Dec272025 by NNL TeamNo Comments

Parshvanath Mahadev Yatra : श्रद्धा, परंपरा आणि संस्कृतीचा संगम; पार्श्वनाथ महादेव यात्रा ५ जानेवारीपासून

हिमायतनगर,उत्कर्ष मादसवार | नांदेड जिल्ह्यातील प्रसिद्ध असलेल्या हिमायतनगर तालुक्यातील सवना (ज.), रमणवाडी, जिरोणा, गणेशवाडी, गणेशवाडी तांडा, महादापुर, दगडवाडी, चिंचोर्डी, एकघरी, वाशी, पार्डी (ज.), पिछोडी आदी परिसरातील भाविकांचे श्रद्धास्थान असलेल्या पाच शिव महादेव फाटा येथील पार्श्वनाथ महादेवाची वार्षिक यात्रा दि. ५ ते ९ जानेवारी या कालावधीत मोठ्या भक्तिभावात संपन्न होणार आहे. दि. ५ जानेवारी रोजी सकाळी महाअभिषेकाने यात्रेची सुरुवात होणार असून, दुपारी महाप्रसाद आयोजित करण्यात आला आहे. महाप्रसादानंतर लेझीम स्पर्धा होणार असून, प्रथम बक्षीस ७००१ रुपये जिरोणा येथील सरपंच सौ. अनुसयाबाई बळवंत जाधव यांच्या वतीने, द्वितीय बक्षीस ३००० रुपये सोनबा अनगुलवार व सुभाष बळीराम राठोड यांच्या कडून, तर तृतीय बक्षीस १५०१ रुपये कु. भाविका परशुराम विठ्ठलवाड यांच्या तर्फे देण्यात येणार आहे. रात्री भक्तिमय भजना...

Dec202025 by NNL TeamNo Comments

Shri Krishna Temple : कारला येथील श्री कृष्ण मंदिरात अखंड हरिनाम सप्ताह व ज्ञानेश्वरी पारायण सोहळा

नांदेड, धार्मिक

हिमायतनगर | हिमायतनगर तालुक्यातील कारला येथील श्री कृष्ण मंदिरात दरवर्षीप्रमाणे यंदाही अखंड हरिनाम सप्ताह व ज्ञानेश्वरी पारायण सोहळ्याचे भव्य आयोजन करण्यात आले आहे. हा धार्मिक सप्ताह दि. २१ डिसेंबर ते २८ डिसेंबर या कालावधीत भक्तिभावात साजरा होणार आहे. या सप्ताहात दररोज सकाळी काकडा आरती, त्यानंतर ज्ञानेश्वरी पारायण, सायंकाळी हरिपाठ व रात्री हरिकीर्तन असे दैनंदिन कार्यक्रम होणार आहेत. या सोहळ्याचा लाभ भाविकांनी घ्यावा, असे आवाहन कारला ग्रामस्थांनी केले आहे. सप्ताहात विविध नामवंत कीर्तनकारांचे कीर्तन होणार असून त्यामध्ये ह. भ. प. सुधाकर महाराज खैरगावकर, ह. भ. प. प्रतीक्षा महाराज अनगुलवार (सवनेकर), ह. भ. प. अंजलीताई डांगे (हिमायतनगर), गजानन महाराज मरळकर, गुरुवर्य महारुद्र स्वामी महाराज दैठणेकर, बालयोगी श्यामसुंदर महाराज बेंद्रीकर, ह. भ. प. ऋषिकेश महाराज पिपरीकर यांचा समावेश आहे. सप्त...

Dec132025 by NNL TeamNo Comments

Malegaon Yatra : जिल्हाधिकारी राहुल कर्डिले, पोलीस अधीक्षक अबिनाशकुमार यांनी केली माळेगाव यात्रा तयारीची पाहणी

धार्मिक, नांदेड

लोहा | देशाच्या नकाशावर प्रसिद्ध अश्व बाजार म्हणून नावारूपाला येत असलेल्या माळेगाव यात्रेला १८ तारखेपासून आरंभ होत आहे. यात्रेकरू, भाविकभक्त, छोटे मोठे व्यापारी याना कोणतीही अडचण निर्माण होऊ नये, यासाठी प्रशासनाने तयारीला गती दिली आहे. त्या अनुषंगाने शुक्रवारी ( १२ डिसेंबर) स्वतः जिल्हाधिकारी राहुल कर्डिले पोलीस अधीक्षक अबिनाश कुमार यांनी माळेगाव यात्रा (Malegaon Yatra) परिसराची पाहणी केली. विविध सोयी सुविधांचा आढावा घेतला व काही महत्वाच्या सूचना केल्या. माळेगाव यात्रा परिसरात कामाचा आढावा घेण्यासाठी स्वतः जिल्हाधिकारी राहुल कर्डिले, जिल्हा पोलीस अधीक्षक अबिनाश कुमार यांनी मंदिर परिसर, पार्किंग, पिण्याचे पाणी, स्वच्छता, आरोग्य सेवा, वाहतूक व्यवस्था आणि पोलीस बंदोबस्त या बाबींची सविस्तर माहिती घेतली। . यात्रेदरम्यान भाविकांना कोणतीही गैरसोय होऊ नये म्हणून आवश्यक त्या सर्व उपाययोजना तातडी...

Dec122025 by NNL TeamNo Comments

Rashtrasant Shri Lalitprabhji ; मुलांना कार देण्यापूर्वी द्या चांगले संस्कार – राष्ट्रसंत श्री ललितप्रभजी

धार्मिक, नांदेड

नांदेड । प.पू. राष्ट्रसंत श्री ललितप्रभजी म.सा. म्हणाले की, जे पालक मुलांना फक्त जन्म देतात ते सामान्य, जे जन्मासोबत सुविधा व संपत्ती देतात ते मध्यम; पण जे मुलांना जन्म, संपत्ती आणि त्यासोबत उत्तम संस्कारही देतात तेच खरे श्रेष्ठ पालक होत. त्यांनी पालकांना आवाहन केले की मुलांना असे घडवा की, ते समाजाच्या अग्रस्थानी बसण्यास पात्र ठरतील आणि मुलांचे आचरण असे असावे की लोक पालकांना विचारू लागतील – “तुम्ही कोणते पुण्य केले की तुम्हाला अशी उत्तम संतती मिळाली?” ते म्हणाले की मुलांना फक्त शिक्षित न करता संस्कारित बनवणे हेही तितकेच महत्त्वाचे आहे. सर्व जैन व राजस्थानी समाजतर्फे शंकरराव चव्हाण प्रेक्षागृह, गुरु गोविंदसिंह स्टेडियमजवळ आयोजित जीवन जगण्याची कला या ३ दिवसीय विराट सत्संग–प्रवचन सोहळ्याच्या समारोप प्रसंगी ते ‘मुलांना कार देण्यापूर्वी द्या संस्कार’ या विषयावर बोलत होते. ते म्हणाले की, ...

Dec112025 by NNL TeamNo Comments

Temple of hadgaon : नागपूर हिवाळी अधिवेशनात हदगावच्या देवस्थाने उंचावणार — मुख्यमंत्री फडणवीस यांच्यासोबत संतांची फलदायी चर्चा

धार्मिक, नागपूर, नांदेड

नागपूर| हदगावच्या आध्यात्मिक ओळखीला नवे बळ मिळण्याची शक्यता वाढली आहे. हिवाळी अधिवेशनात आज महाराष्ट्र राज्याचे मुख्यमंत्री देवेंद्रजी फडणवीस यांच्या दालनात हदगाव शहराचे श्रद्धास्थान देव उखळाई देवस्थान चे मठाधिपती महंत योगी बापू तसेच महादेव मठ संस्थान चे परमपूज्य ष. ब्र. १०८ शिवचैतन्य शिवाचार्य महाराज यांनी भेट घेतली. या संवेदनशील भेटीत आमदार बाबुराव कदम कोहळीकर यांनी दोन्ही पवित्र देवस्थानांचा दर्जा अधिकाधिक उंचावणे, तसेच मतदारसंघातील इतर देवस्थानांना आवश्यक त्या शासकीय मान्यता मिळवून देणे याबाबत मुख्यमंत्री फडणवीस यांच्याशी महत्वपूर्ण चर्चा केली. हदगावचा प्राचीन आध्यात्मिक व सांस्कृतिक वारसा राज्यस्तरावर अधोरेखित व्हावा, भक्तांना सुविधा वाढाव्यात आणि देवस्थान व्यवस्थापनाला आवश्यक शासकीय पाठबळ मिळावे, यासाठी ही चर्चा अत्यंत सकारात्मक आणि आशादायी ठरली. संतांच्या उपस्थितीत झालेल...

Dec82025 by NNL TeamNo Comments

Malegaon Yatra : श्री खंडोबा माळेगाव यात्रेनिमित्त पोलीस अंमलदारांना अधिकार प्रदान

धार्मिक, नांदेड

नांदेड| जिल्ह्यातील माळेगाव येथील खंडोबा यात्रेतील पालखी मिरवणूक व इतर कार्यक्रम शांततेत पार पडावे. म्हणून पोलीस अधीक्षक अबिनाश कुमार यांनी मुंबई पोलीस कायदा 1951 कलम 36 अन्वये प्राप्त अधिकारान्वये 18 डिसेंबरच्या मध्यरात्रीपासून ते 23 डिसेंबर 2025 च्या मध्यरात्रीपर्यंत कंधारचे उपविभागीय पोलीस अधिकारी श्रीमती अश्विनी जगताप व माळाकोळीचे सहा. पोलीस निरीक्षक महेश मुळीक यांना अधिकार प्रदान केले आहेत. श्री खंडोबा यात्रेत महाराष्ट्र, तेलंगणा, आंध्रप्रदेश, कर्नाटक, इतर राज्यातून भाविकांची दर्शनासाठी व यात्रेसाठी मोठ्या प्रमाणात गर्दी होते. त्याअनुषंगाने रस्त्यावरील व रस्त्याने जाणाऱ्या मिरवणुकीतील किंवा जमावातील लोकांनी कशा रितीने चालावे व कोणत्या रितीने वागावे हे फर्मविण्यासाठी. अशा कोणत्याही मिरवणुका कोणत्या मार्गाने आणि कोणत्या वेळात काढाव्यात किंवा काढू नयेत असे मार्ग व अशा वेळा विहित करण्य...

Dec72025 by NNL TeamNo Comments

Datta Jayanti : हिमायतनगरमध्ये दत्त जयंती निमित्त “गुरुचरित्र” पारायणाचा सांगता सोहळा उत्साहात संपन्न

धार्मिक, नांदेड, व्हिडीओ

हिमायतनगर| येथील श्री स्वामी समर्थ केंद्रात दत्त जयंतीचे औचित्य साधून “गुरुचरित्र” पारायणाचा सांगता सोहळा आज अत्यंत भक्तिभावाने आणि आनंदी वातावरणात पार पडला. परिसर भक्तिरसाने आणि दत्तगुरूंच्या जयघोषाने दुमदुमून गेला होता. यावेळी आयोजित भक्तीरचना आणि भक्तीसंगीत कार्यक्रमाने उपस्थितांना अध्यात्मिक आनंदाने मंत्रमुग्ध केले. कार्यक्रमात गायक कलाकार सौ. माधुरीताई जाधव, परमेश्वर रेड्डी तिप्पनवार यांची विशेष उपस्थिती होती. साथ-संगत म्हणून सचिन बोंपीलवार, कृष्णा बोंपीलवार, अनिल तलवारे आणि रामेश्वर मोरे यांनी सहभाग नोंदवून कार्यक्रम अधिक सुरेल केला. भक्तांनी मोठ्या संख्येने उपस्थित राहून श्री दत्तगुरू व श्री स्वामी समर्थ यांच्या चरणी कृतज्ञतेचे व भक्तीभावाचे वंदन अर्पण केले. कार्यक्रमाचे वातावरण अत्यंत उल्हासित, भक्तिरसपूर्ण व भाविकांनी भरलेले होते....

Dec72025 by NNL TeamNo Comments

Dr. Babasaheb Ambedkar : भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त त्यांच्या पवित्र स्मृतीस अभिवादन

धार्मिक, नांदेड

नांदेड| भारतरत्न डॉ. बाबासाहेब आंबेडकर यांच्या 69 व्या महापरिनिर्वाण दिनानिमित्त आज त्यांच्या पुर्णाकृती पुतळयास समाज कल्याण सहाय्यक आयुक्त शिवानंद मिनगिरे यांनी पुष्पहार अर्पण करुन त्यांना अभिवादन केले. यावेळी से.नि.वरिष्ठ समाज कल्याण निरीक्षक अशोक गोडबोले, समाज भूषण पुरस्कार प्राप्त भगवान ढगे, समाज कल्याण अधिकारी गजानन नरवाडे, समाज कल्याण निरिक्षक संजय कदम, पी. जी. खानसोळे व कार्यालयातील सर्व कर्मचारी आदी उपस्थित होते. त्यानंतर सहाय्यक आयुक्त समाज कल्याण कार्यालयात सकाळी 11 वा. परमपुज्य भदंत पैयाबोधी थेरो नांदेड जिल्हा भिकू महासंघ अध्यक्ष तथा प्रमुख श्रामणेर प्रशिक्षण केंद्र खुरगाव नांदुसा, समाज कल्याण सहाय्यक आयुक्त शिवानंद मिनगिरे व उपस्थितांनी दिपप्रज्वलण करुन महामानवाच्या प्रतिमेस पुष्पअर्पण करुन त्यांच्या पवित्र स्मृतीस अभिवादन केले. भारतीय संविधान प्रास्ताविकेचे सामुहिक वाचन ...

Dec62025 by NNL TeamNo Comments

Usmannagar ; उस्माननगर येथील श्री गुरु नागय्या स्वामी संजीवन समाधी मंदिर येथे आज कलशारोहण सोहळाव गुरूवर्याचे प्रवचन

धार्मिक, नांदेड

उस्मान नगर (मोठी लाठी) ( ता. कंधार) l येथील जाज्वल तिर्थक्षेत्र म्हणून ओळखले जाणारे व नव्याने उभारण्यात आलेल्या श्री गुरु नागय्या स्वामी संजीवन समाधी मंदिर येथे आज रविवार दि.७ डिसेंबर २०२५रोजी श्री गुरू वेदांताचार्य, युवासंत १०८ दिगंबर शिवाचार्य स्वामीजी वसमतकर महाराज व श्री दत्त मंदिराचे श्री गुरू अवधूत बन महाराज यांच्या शुभहस्ते कलशारोहन सोहळा आयोजित करण्यात आला आहे.त्यानंतर आशिर्वचन होणार आहे. या संजीवन समाधीची ख्याती सर्वदूर असून शिराढोण येथील श्री भीमाशंकर महाराज कलंबर येथील अगडबुवा यांच्या समकालीन असलेल्या श्री गुरु नागया स्वामी महाराज यांच्या जागृत संजीवन समाधी स्थळी सुद्धा पूर्वी अग्निकुंड प्रवेश पालखी प्रवेश सोहळा होत असे. भक्तांच्या हाकेला धावणारे श्री गुरू नागय्यास्वामी अनेकांच्या श्रद्धास्थानी आहेत. उस्मान नगर येथील जंगम समशानभूमीत असलेल्या या संजीवन समाधी जवळ श्री. वैजना...

Dec62025 by NNL TeamNo Comments

Digambara Digambara : “दिगंबरा दिगंबरा श्रीपाद वल्लभ दिगंबरा”च्या गजरात माहूर नगरी दुमदुमली

धार्मिक, नांदेड

माहूर| गुरुवार, दिनांक ४ (पौर्णिमा) रोजी माहूर गडावरील श्री दत्तात्रेय संस्थान येथे दत्तजयंतीनिमित्त भाविकांची मोठी मांदियाळी पाहायला मिळाली. हातात निशाण, मुखी “दत्ता दिगंबरा… देवा दत्ता दत्ता”चा जयघोष — या गजरात संपूर्ण माहूर गड दुमदुमून गेला. सभोवतालच्या जिल्ह्यांसह राज्यभरातून भाविकांनी २ डिसेंबरपासूनच मोठ्या संख्येने हजेरी लावत दत्तजन्मोत्सव भक्तिरसात साजरा केला. काल (दि. ३) दत्तजयंतीनिमित्त गडावरील दत्तशिखर संस्थान येथे भगवान श्री दत्तप्रभूंचा जन्मसोहळा भक्तिभावात संपन्न झाला. गडाचे महंत परमपूज्य श्री श्री मधुसूदन भारती महाराज यांच्या शुभहस्ते दुपारी २ वाजता अभिषेक, समाधीपूजन व जन्मसोहळा विधिवत पार पडला. हजारो दत्तभक्तांनी या पावन सोहळ्यास उपस्थिती लावली. अभिषेकानंतर सभामंडपात दत्तसोहळा झाला. पोथीवाचनानंतर जन्मसोहळा व दत्तजन्म अध्याय वाचन ऋषिकेश जोशी यांनी केले. मुख्य पुजारी...