ओला आणि सुका कच-यांचे योग्य प्रकारे वर्गीकरण करण्यासाठी जिल्हयात विशेष मोहिम – मुख्य कार्यकारी अधिकारी मीनल करनवाल -NNL
नांदेड। आपल्या परिसरातील व घरातील ओला आणि सुका कचरा योग्य प्रकारे वर्गीकृत करण्यासाठी जिल्हयात सोमवार दिनांक 8 जुलै 2024 पासून विशेष मोहिम राबविण्यात येणार आहे, अशी माहिती जिल्हा परिषदेच्या प्रशासक तथा मुख्य कार्यकारी अधिकारी मीनल करनवाल यांनी दिली आहे.
दिनांक 8 जुलै ते 7 ऑगस्ट 2024 या कालावधीत विशेष मोहिम राबविण्याचे निर्देश राज्य शासनाने दिले आहेत. त्यानुसार जिल्हयातील प्रत्येक गावात स्वच्छतेचे दाने रंग- ओला हिरवा, सुका निळा या नावाने अभियान राबविण्यात येणार आहे.
स्वच्छ भारत मिशन (ग्रा) टप्पा-2 अंतर्गत राज्य माहे डिसेंबर 2024 पर्यंत हागणदारीमुक्त अधिक मॉडेल करावयाचे आहे.
मॉडेल झालेल्या गावात दृष्यमान शाश्वत स्वच्छता ठेवणे आणि हागणदारीमुक्त अधिक झालेली गावे मॉडेल करणे यासाठी विविध विषयाच्या अनुषंगाने गृहभेटीच्या माध्यमातून जनजागृतीसाठी विशेष अभियानाचे आयोजन करण्यात...
