हिमायतनगर| हिमायतनगर तालुक्याचे भूमिपुत्र ताठ जेष्ठ पत्रकार लक्ष्मण माने यांचे सुपुत्र अनिल लक्ष्मण माने यांना तमिळनाडू केंद्रीय विश्वविद्यालयातून हिंदी भाषेची पी.एच.डी. प्रदान करण्यात आली आहे. याना पीएचडी प्रदान झाल्याबद्दल नातेवाईकांसह मित्रमंडळींनी अभिनंदन केले आहे.
नांदेड जिल्ह्यातील गरीब कुटुंबातील युवक अनिल लक्ष्मण माने याने शिक्षणाबाबत असलेली आस्था आणि जिद्दीच्या जोरावर “आधुनिक हिंदी कविता और मानव मूल्य” (इक्कीसवीं सदी के प्रथम दशक के विशेष संदर्भ में) या विषयात पी.एच.डी. चा प्रबंध सादर केला. या यशामध्ये त्यांना शोध निर्देशक – आचार्य. एस. वी. एस. एस नारायण राजू यांच मोलाचे मार्गदर्शन मिळाले. अत्यंत खडतर परिस्थितीत सुद्धा अनिल यांनी शिक्षणाची जिद्द सोडली नाही.आई वडिलांच्या आशीर्वादाने हे सर्वोच्च यश मिळवल असे त्यांनी आमच्या प्रतिनिधीस बोलताना सांगितलं.
या अगोदर स्वामी रामानंद तीर्थ मराठवाड़ा विद्यापीठ नांदेड अंतर्गत बळीराम पाटील कॉलेज किनवट येथून त्यांनी बी.ए. ची पदवी घेतली. उच्च शिक्षणासाठी हैद्राबाद केंद्रीय विश्वविद्यायातुन एम. ए. पूर्ण केले. तसेच महात्मा गांधी आंतरराष्ट्रीय हिंदी विश्वविद्यालय, वर्धा येथून त्यांनी एम. फिल. पूर्ण केलं. त्यानंतर तमिळनाडू केंद्रीय विश्वविद्यालयातून त्यांनी शिक्षण क्षेत्रातील सर्वोच्च पदवी पी.एच.डी. हिंदी अवार्ड चा बहुमान मिळवला आहे.
त्यांने मिळालेल्या या यशात आई नम्रता लक्ष्मण माने, वडील लक्ष्मण तुकाराम माने, भाऊ शिवाजी लक्ष्मण माने, श्रीकृष्ण लक्ष्मण माने, मामा प्राध्यापक डॉ. ज्ञानेश्वर सूर्यवंशी, श्री रमेश नारायण सूर्यवंशी यांचं मोलाचं मार्गदर्शन लाभल. तसेच मित्रपरिवार, गावकरी यांचे आशीर्वादाने हे यश मिळाले असल्याची भावना व्यक्त केली आहे. त्यांनी मिळवलेल्या यशाबद्दल सर्व स्तरातून अभिनंदन केले जात आहे.
