नवीन नांदे| नागपंचमी निमित्ताने पंचक्रोशीतील अनेक गावातील महिलांनी कांकाडी येथील नागदेव मंदिरात विधीवत पुजन करून दर्शन घेतले यावेळी ग्रामस्थ व विविध राजकीय पदाधिकारी यांनी यात्रेनिमित्त येणारे भाविकांचे स्वागत फलक लावुन केले तर मंदिर परिसरात खेळणी साहित्य पुजेची दुकाने, आकाश पाळणे यासह विविध दुकाने मोठ्या संख्येने थाटली होती.
नागपंचमी निमित्ताने ९ ऑगस्ट रोजी कांकाडी येथे गेल्या अनेक वर्षापासून नागदेव मंदिर असून दरवर्षी येथे नागपंचमीला पंचक्रोशीतील अनेक गावातून महिला व भाविक भक्तांची दर्शनासाठी गर्दी होते असते, याही वर्षी नागपंचमी निमित्ताने सकाळी पुजारी कार्तिक कमलाकर मगरे,यांनी विधीवत मुर्ती पुजन केल्यानंतर दर्शनासाठी खुले करण्यात आले, ग्रामपंचायत कार्यालय कांकाडीचे सरपंच शरद भवर उपसरपंच जनाबाई गोपाळराव वरतळे,यांच्या सह माजी सरपंच सुदीन बागल, हणमंत भवर, तंटामुक्त अध्यक्ष प्रकाश पाटील बागल, माजी तंटामुक्त अध्यक्ष दशरथ पाटील,तंटामुक्त माजी अध्यक्ष कैलास बागल, काळेश्वर बागल, मोतीराम कोणंके,व्यंकटी पवार,देवानंद हणवंते,आनंदा मगरे,गोविंद कानवटे व गावातील सामाजिक,राजकीय,शैक्षणिक क्षेत्रातील पदाधिकारी व गावकरी यांनी ही दर्शन घेऊन भाविक भक्तांचे स्वागत केले.
यात्रे निमित्ताने ग्रामीण पोलीस स्टेशन पोलीस निरीक्षक नागनाथ आयलाने यांच्या मार्गदर्शनाखाली उपनिरीक्षक ज्ञानेश्वर भोसले, व वाचक शाखेचे बालाजी दंतपाले यांनी पोलीस अमलंदार,महिला पोलीस, होमगार्ड यांच्या कडेकोट बंदोबस्त ठेवला होता, पोलीस पाटील बाळु वाघमारे यांच्या सह गावकरी ,युवक यांनी ही भाविक भक्तांसाठी दर्शन रांग, पिण्याचे पाणी यासह अल्पोहार विविध ठिकाणी वाटप केले, तर मुख्य रस्त्यावर व गावात विविध राजकीय पक्ष यांच्या वतीने व ग्रामस्थांनी स्वागत फलक लावले, यात्रेनिमित्त मोठया प्रमाणात महिला सह भाविक भक्तांनी गर्दी केली होती.
